صبّحكم الله بالخير
اليوم جبت لكم طاروق من حفلة الجمش عند الشيخ ابن حليمة والتي أحياها كلٌ من الشعراء :
( حبيب العازمي - ابن عتقان - ابن رحمه - سالم بن سحمان - حاتم الحزيمي )
واخترت لكم طاروق حبيب وابن عتقان : والذي بدأ به حبيب بعد مضي نصف وقت المحاورة.
حبيب :
ابن عتقان له عامين مابين البحر والخبت=يسوي له مخطط ثم جاه السيل واشتاله
يداوم ليلة الجمعة ويرقد في نهار السبت=واظنه لو يصلون الفريق يصلي لحاله
ابن عتقان:
ابن عتقان ماجرّب حياة البهذله والكبت=حبيب ياحبيب صاحبك مشغول بعياله
الا ياكبر حظك في سلام تعيش ماحاربت=وانا أحارب جيوش الروم رجليه وخيّاله
حبيب :
ياعبدالله هداك الله ترا ماهي حضرت وغبت=مادام بليس فالدهليس فال الله ولا فاله
أنا حاربت يوم اني ولد وأيضا بعد ماشبت= ماشفت اللي يقول العازمي مشروب فنجاله
ابن عتقان:
أمانة ياحبيب من يكب الديرة أم النّبت=أنا ملّيت من وادي الدهر وأدوّر ابداله
حبيب جرّب الدنيا وأنا مثله بعد جرّبت=لقينا ناس مطنوخه لقينا ناس محتاله
حبيب :
تفقّد وش كثر ماراح من عندك وش اللي جبت= مادام المنجم اللي تقصده سرقان عمّاله
ليا منك لقيت المسك من طيبه تطيّب طبت=وراع الكير نفّاخه وراع المسك حمّاله
ابن عتقان:
يعورني ضميري ياحبيب كل ماحاسبت=وأبوه المنجم اللي روحوبه ناس نشّــاله
كانت الصفوف متحمسه وتلعب بشكل رائع ولكن ابن سحمان قطع هذا الحماس وطلب ابن رحمه
بعدها أتى موال رباعي ( ابن سحمان وابن رحمه ضــد حبيب وابن عتقان )
ننتظر تعليقاتكم وتحليلكم لهذه المحاورة وإن كانت قصيرة النّفس.
دمتم بود
« آخـــر الـــمـــشـــاركــــات »
15-Sep-2011, 09:51 AM
محاورة حبيب وابن عتقان الجديدة (الجمش) 12/8/1432 هـ
العرض الشجري