محاوره من اجمل المحاورات التي رأيتها
بين الشاعرين
عبدالله بن شايق و علي الدعيه
علي الدعيه
هلا يا مرحبا واهلن هلا في حفلة الغفران=نرحب بالضيوف اواجبات الله نكملها
يقولون الرجال العاطفي شاعر بنو قحطان=وانا اقول اصبروا والي يمثلها يمثلها
عبدالله بن شايق
يدوم الك البقا وانت المرحب والعلوم سمان=يازين بيوتك الي ما تتعب من يحللها
تعجب فالزمان الي جمع عاشور مع شعبان=ابعدها واقربها واسمكرها واعدلها
علي الدعيه
تهرج يابن شايق واعرف الصايب من الغلطان=بيوتي يابن شايق بيض الله وجه قايلها
احدك للحقيقه وانت لا راضي ولا زعلان=ليا من جات في خاطرك يا طير السعد قلها
عبدالله بن شايق
انا ما جيتك الا بتهرج واكتب العنوان=بيوتك بيض الله وجه ناقضها وفاتلها
انا ماني بضايق واعرف الرابح من الخسران=يقولون الرجال الي يدورها يحصلها
علي الدعيه
اجل شد الحزام وشد حيلك والقلوب اخوان=وميز يابن شايق فالرجال الي تعاملها
ما دام انك تقوله وانت لك قلبن وفيك لسان=تركد واعرف لمخرج علومك قبل مدخلها
عبدالله بن شايق
انا ماعامل الا كل طحطوحن جمل وحصان=لاكن مجبور والدنيا تجاملني واجاملها
ماعاد الا تعلمني مداخيلي مع البيبان=يازين الضومنه ياليتني بالشيش اقفلها
علي الدعيه
انا ياصاحبي بين العرب مثل البطل راكان=تركد لين تعرف فاشل العالم وصاملها
انا اقول الحقيقه والحقيقه كنها البركان=وبعض الناس من كلمتي ويش الي مزعلها
عبدالله بن شايق
مادام انها كذا بالهرج خصمك ذيب بن هدلان=انا محتار في رجلن على راسه يحولها
على الذكرى نعيد ولا بقى الا قول كان وكان=ابي ناسن على الموعد تقابلني واقابلها
علي الدعيه
انا وياك لولا قلت لك يا طير بن برمان=على صاحبه جاب الحيه الرقطا ونزلها
انا والي لفى والنار ماشبت بلا دخان=وميز في عباد الله جاهلها وعاقلها
« آخـــر الـــمـــشـــاركــــات »
15-Sep-2011, 02:37 PM
عبدالله بن شايق و علي الدعيه !! الفروق الخمس
العرض الشجري