مات فوق الفراش و مات تحت اللحاف - الهيـــــــــــــلا *** منتدى قبيلة عتيبة

عبدالمجيد الثعلي · 02-Sep-2011, 03:29 AM

هذه القصيده ولدت بروحها الشعرية خلال هذه الأيام ومابها من متغيرات
أتمنى أن تكسب رضاء الجميع

إنطوت صفحة الأيام والحبرّ جـاف=والعلوم التوالي فالنحرّ حايره
العرب سلمها ماعاد فيها يشاف=غير ذكرى الوداع وطارت الطايره
يالله إستر على العالم من الإختلاف=كل شيء إختلف والدائره دايره
في بطون السمان اللي كلتها العجاف=طلقة ٍ مكذبـّه من فوقنا ثايره
ماتشوف إنحرافه!!(نظرة الإنحراف)=وين ؟ جار القمر يالجاره الجايره
الدهر قدم يمضي مايعودّ خلاف =سوقنا سوقنا يالسلعه البايره
وين يضفى الظلال من الستر والعفاف=مانباها تصير وللآسف صايره
لاعيال ٍ ثقال و لابنات ٍ خفاف=خط سير الدهر معكوس ٍ بسايــره
الولد لبس لبس البنت ولايخاف=وعكسه البنت في لبس الولدغايره
وصار لبس الولد على البنات الرهاف =صدقّ . وجه الشبه مشبوه ٍ نذايرّه
بينهم ماتفرق جمعهم بالزفاف =خل عينك على دربيلك و عايـره
نعرف إنه ولد من صورته فالغلاف =ونعرف البنت بالخط الحمر دايره
إنخلع بالشرف لبس الثياب النظاف =والزياره بموعد زاير و زايره
تكنلوجيـّة الدنيابنقطة قطاف = عصرها الإنفتاحي راحت تسايره
والله أعلم وش نهاياتها بالمطاف =شر خافي مع عروق الدماء الفايره
السلوم القديمه بالظما والجفاف =ماش خيراً تره, والشر ؟ منّ؟ مايره؟
روس طالت وألا أطول من رقاب الزراف=يالزمان المولي دمعتي حايره
مت فوق الفراش ومت تحت اللحاف =ودمعي أعمى عيوني والقدم سايره
مير خطلين الأيدي ماعليهم خلاف =ماتغير لو الضلعان متغايره
وللمعاني بطن شاعر وكبد ٍ تعاف=ماتت أهل الحسد وعيونها طايره
دام روح الشعر معنى و مغنى وقاف =ماني موفر ٍ لحزامي الثايره

وسلامتكــم

آخر تعديل عبدالمجيد الثعلي يوم 02-Sep-2011 في 03:42 AM.

جمال منير · 02-Sep-2011, 03:43 AM

ياسلام ياسلام يا عبدالمجيد

بغيت اقتبس منها بيت وليا كل بيت اطيب من الثاني

مبدع بما تعنيه الكلمه

وصح لساااانك دائما,,,,

عبدالمجيد الثعلي · 02-Sep-2011, 04:18 AM

اقتباس:

المشاركة الأصلية كتبت بواسطة جمال منير

ياسلام ياسلام يا عبدالمجيد

بغيت اقتبس منها بيت وليا كل بيت اطيب من الثاني

مبدع بما تعنيه الكلمه

وصح لساااانك دائما,,,,

ياهلا ومرحبا يا أبو منير

والإبداع ذاته من ذات ذائقتك الشعريّة

صح بدنك

وإشادتك تاج ٍ على الرأس

عـقـــــــــــاب · 03-Sep-2011, 05:03 PM

صح الله لساانك ياعبد المجيد و الله يصلح احوال شباب المسلمين

محمد الذيابـــي · 04-Sep-2011, 02:49 PM

صح لسانك يابن ثعلي وكل عام وانت بخير

التوقيع

التوقيع

محمد الذيابـــي

مرزوق حمدان العتيبي · 04-Sep-2011, 03:59 PM

..

.
عبد المجيد صح الله لسانك وبيض الله وجهك
ابدعت وهذي عوايدك

التوقيع

@Marzouq_MHD

سعود العصيمي · 09-Sep-2011, 03:23 AM

الــعــرب سـلـمـهـا مــاعـــاد فـيــهــا يــشـــاف
غـيــر ذكــــرى الــــوداع وطــــارت الـطـايــره

بيض الله وجهك

ياعبدالمجيد

وصح لسااانك مليووون

وفيت وكفيت

قصيدة عملاقه وتحكي واقع

تقبل تحيااااتي

وسجل اعجابي

التوقيع

علي الدغيلبي · 09-Sep-2011, 04:03 AM

مـت فـوق الـفـراش ومــت تـحـت اللـحـاف
ودمـعــي أعـمــى عـيـونـي والــقــدم ســايــره
مـيـر خطـلـيـن الأيـــدي ماعلـيـهـم خـــلاف
مــاتــغــيـــر لـــــــــو الــضــلــعـــان مــتــغـــايـــره

صح آلله لسآنك .. وآلله يصلح مآ عطآ