سلام الله على اهل المنتدى واللي يزورونه

[غالي الرهافي]

سلام الله على اهل المنتدى واللي يزورنه =عدد مالاحت بروق السحاب وهل همالي
يقوله شاعرن يحفظ لسان الشعر ويصونه =عن الزلات والمنقود واهل القيل والقالي

[سعود بندر الحربي]

لايهمك التنسيق
المضمون وجبته والباقي على الاداره
هلا باللي يسلم عد برق داخل مزونه
تهرج ياعميل الخير والميزان ميالي

بعد ماتعرف البيت الكبير وتدخل حصونه
نعرفك زين مر الذوق ولا دايما حالي

[غالي الرهافي]

عسى فيك البقى والنفس من وقفتك ممنونه =ترى دنياك لا مالت لها تسعين حلالي
ليا منه وصلك العلم عطني رد مضمونه =ترى كلن وله وجهة نظر ياطيب الفالي

[الرجل الشامخ]

غالي الرهايف

سلام الله على اهل المنتـدى واللـي يزورنـه=عدد مالاحت بروق السحاب وهل همالي
يقوله شاعرن يحفظ لسان الشعر ويصونه=عن الزلات والمنقود واهل القيل والقالي

سعود بندر الحربي

هلا باللي يسلم عد برق داخل مزونه=تهرج ياعميل الخير والميزان ميالي
بعد ماتعرف البيت الكبير وتدخل حصونه=نعرفك زين مر الذوق ولا دايما حالي

غالي الرهايف

عسى فيك البقى والنفس من وقفتك ممنونه =ترى دنياك لا مالت لها تسعين حلالي
ليا منه وصلك العلم عطني رد مضمونه =ترى كلن وله وجهة نظر ياطيب الفالي

[سعود بندر الحربي]

تقوله والسوالف ياوسيع العرف مصيونه
تخير لانزلت السوق لاتشتري سوا الغالي

وصلني علم مدري حلم والاغراض مرهونه
ليا بانت بواينها تعينها بـــــلا تــــالـــــــــي

[سعود بندر الحربي]

سرا الليل
تصبح على خير
تشرفت بمجاراتك

[غالي الرهافي]

انا لا شفت راع الطيب ازيده طيب ماخونه = اباخذ معك واعطي واجزي الجزلات بجزالي
وانا اقول الرجل مثلك يدل الدرب بعيونه = ولا يحتاجله من يوصله في كل الاحوالي