مجرورة ذوي مبارك

[العامري1]

مجروره ذوي مبارك للشاعرمعيض بن عياضة المباركي قالها بمناسبة الثأر في مقتل فهيد المباركي وابنه ومقتل عمْر العامري وابنه هلال .ارويها عن عدد كبير من ذوي مبارك :
يقوله اللي بدا في الحيد واعلاه .. في ماقع الصقر خفّاق الجناحي
وأرد قافٍ على عيجان لا لاه .. قافٍ بنيته كما الذوب الذراحي
مما دخل في الحشا والقلب يهجاه .. هجرس به القلب من عقب الذباحي
ياراكب اللي سوات الذيب حلياه .. ليا تميّز مع الصمْد البراحي
سرها وتلفى ذياب ورِبْعَة اخواه .. ثم انشده عن دياره وين راحي
حنا سبرنا حَجَار ولا عينّاه .. قالوا نطح حرب حقين الشّباحي
ياظبي ياللي مسايل نَبْط مرباه .. اكل من العشب عان العشب فاحي
راحت محامي ومن حظك حماناه .. من حجّره لايزعزك الصياحي
ياضبعة الخِشْب وذياب المسّماه .. على ذوي زبْن حطي لك مراحي
واستلحقي الهالك الجاعان وجراه .. وانحي لعامر ليا اطريتي المناحي
عامر قضا في فهيد اضْحَيْ اخذناه .. دمّه على الحزم من يمناي ساحي
ثاريت بفهيد حين انا لمحناه .. عينه تشوف السهم والاذن تاحي
وهنود في عَمْر في سَبْلَل طرحناه .. حطّت عظامه تحت صٌم اللواحي
جاني به اللي عسى البيضا تغشاه .. ماهو بخبلٍ عن الجملا يلاحي
ياليت لازم معي يوم المثاراه .. نهار سار القدم والنصر طاحي
لكن شافي معي لاذقت فرقاه .. ذكره يبوج المغارق ما يماحي
وحياة ربٍ خلق لن يسر الله .. منهم لنروي مذاليق الرماحي
وإني لوصّي همَيْل ورِبْعة اخواه .. نهار الاقدام ماتقدر مراحي
وهوه نسينا وحنا ما نسيناه .. والله لندهل مراحه بالصباحي
يوم الردي ياعوض تقفي مطاياه .. اقدامنا جيشنا والروح صاحي

[محمد الذيابـــي]

لاهنت يالعامري1


الله يرحمهم جميعاً

التوقيع

التوقيع محمد الذيابـــي

[ذعير العالي]

بيض الله وجهك يالعامري وسلمت يمينك علي النقل الرائع وكثر الله من امثالك صح السااااااااااان شاعر ذوي عياضه من المباريك من ذوي عالي والله يرحمه

آخر تعديل ذعير العالي يوم 12-Sep-2011 في 08:10 PM.