(وصف القهوه)للشاعر ضاوي الشيباني

[ضاوي الشيباني]

(وصـف القـهـوه)

الله من قلب(ن) همومه تحداه=بيته لبعض اهموم الايام مدهال
فالدنى عروق القلب وتسير لقصاه=من كثر دورات الليالي والاهوال
من كثر ماجربت قمت أعرف دواه=سوق القدم والنفس في وادي(ن)سال
وناديت بأسم اللي على الطيب ممشاه=نسل الجدود الشوخ ماضين الا فعال
يانايف الشغموم ياطيب الجاه=هات الحطب ياخوي بالحال بالحال
أحفر لنارك متر حذرى تعداه=وارم الحطب في وسطها دق واجلال
وحضر معاميلك قبل تاكل اتلاه=وزدها حطب ثم خلها تشعل اشعال
وهات البريق وشربه يالوفي ماه=دله وربع الوزن مع ظبط مكيال
ثم جيب محماس(ن)على النار تصلاه=قبل تجيب البن من غير تعجال
ان كان بري لازم الكف تملاه=بالوصف حباته صغيرات الاشكال
وأخوك في حمسة يوصيك بوصاه=اليا حمست البن ياطيب الفال
خلك على هونك عن النار تدراه=وأخذ الكلام المعتبر مثل ماقال
اول بداياته مثل تايه(ن) تاه=وسط البحر لامن صفق جال في جال
والثانيه ممشى الحوير بمفلاه=لا ضيع أمه راح بقفاي وأقبال
وان شفت لونه بالشقاره تغشاه=وقام العرق من حبته يهمل أهمال
حطه يمين وهات هيل(ن)شريناه=ندفع عليه المال لو غالي المال
دقه بنجر(ن)يجذب الجار بعواه=لاناشه المهوى رهج يعول أعوال
ثم بهره فاللي على النار مركاه=ثم دق بنك زين ياشبل الاشبال
ثم لقمه فالغوري اللي تركناه=يغلي من اليومه على صالي الصال
وليا قطع زله ترى الجمر سواه=في دلة الرسلان من خيرة ادلال
واسحب جمر (في طارف الجمر وأدناه)=ثم أركها ياطيب العم والخال
وهات القدوع من المقاديع محلاه=وليا ستوت قم صب يالقرم فنجال
ودي جزيل الشعر ينساق معناه=ويبقى مخلد في ذهن كل الاجيال
شاعر من الشعار ماطاح مبناه=أسبح بحر وأنحت صخر وأضرب أمثال
أظن هم القلب لو يوم ينساه=في خايع(ن) ماينزله كود وبال
يازين سوق(ن)للمجاهيم زيناه=في مقدم الموسم لياهل همال
كسب(ن)لبو جدي بسيفه وشلفاه=قدم معزي يحكم الناس بعدال
في حاجره مادوجت جرت الشاه=ولا تاصله لو تمشي أيام والليال
صوت ام سالم به تلالي ملا لاه=تلعب على غصن الجريده ليا مال
نبته خزاما شابكه مالها أشباه=اليا تقفى خيال خيلها خيال
بامر ولي الكون علام ما أخفاه=الخالق اللي يرحم الارض والحال
وجلسة رجال الطيب من كل مجهاه=اللي ولدهم فالمواجيب رجال
كلامهم مثل الذهب سوقه أغلاه=ولافيهم اللي ينقل القيل والقال
ولا الردي كسبه رديين شرواه=والمال مايرفع هوامير الانذال
وختامها صلوا عدد قول يالله=على النبي الهاشمي خير مرسال

وسلامتكم

الشاعر/ضاوي عبدالله العتيبي

[أبن حشيان]

ضاوي الله لايهينك وصح لسانك يالطيب والله ان قصيدك ترفع الراس يالغالي

[ضاوي الشيباني]

أبن حشيان

صح بدنك والله لايهينك يالذيب

لاهنت على المرور المشرف يالمرشدي

[فهد العازمي العتيبي]

صح لسانك

ولاهنت ،،،

التوقيع

للتواصل على تويتر https://twitter.com/falotaibi5115 ،،

[فيصل مطر]

صح لسانك
تقبل مروري

[محمد الحميدي]

صح لسانك ولاهنت


يالشاعر/ضاوي عبدالله العتيبي

تقبل مروري

التوقيع

[ضاوي الشيباني]

فهد العازمي العتيبي

صح بدنك ولاهنت

[ضاوي الشيباني]

راعي الزرقا

صح بدنك ولاهنت على المرووور

[ضاوي الشيباني]

المشاركة الأصلية كتبت بواسطة محمد الحميدي

صح لسانك ولاهنت


يالشاعر/ضاوي عبدالله العتيبي

تقبل مروري

محمد الحميدي صح بدنك ولاهنت على المرور المـشرف

[فايز بن سرحان الثبيتي]

اول بداياته مثل تايه(ن) تاه
وسط البحر لامن صفق جال في جال

والثانيه ممشى الحوير بمفلاه
لا ضيع أمه راح بقفاي وأقبال

وان شفت لونه بالشقاره تغشاه
وقام العرق من حبته يهمل أهمال

حطه يمين وهات هيل(ن)شريناه
ندفع عليه المال لو غالي المال



حلق خارج السرب ياضاوي


متابعين لك بحرص شديد "


تم التنسيق والتقييم "

صح لسانك وبيض الله وجهك

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن