ضيف الله العضياني

[فهد الشيباني]

مساكم الله بالخير جميع

حياااك الله ياضيف الله والفايده هي المقصد




*

سلام الله سلام ملوك والمعنى هذا معناه = ليا قاد الرعيه سيفه الاول هذا الثاني
ليا شفت العضياني اكيد العلم هذا جاه = نصيحه فالزمن تعطى بلا تثمين مجاني

[ضيف الله العضياني]

عليكم السلام وحياك الله يافهد

ليا منك عبدت الله سميناك عبد الله=وقلنا مرحبا بك وانت من برقا وشيباني
قمر عشرين شاهد والله اني كارهٍ مبداه=اخاف ان الليال تبوقني وانا عضياني

[ماجد العصيمي]

صحت الالسن والقلوب




وضيف الله ان الله ومر فيه قافن يدوره

[ضيف الله العضياني]

هلا ياماجد ومرحبا

تنبيه يافهد/ شاهد بكسر الهاء

[فهد الشيباني]

ابقاااك الله

يموت المسلم اللي عاقبه فقره على دنياه = يدوم الك البقا وانته تحلم انك تحداني
ترى مادمر التفكير غير مشبعين الشاه = وانا احسبنك ياولد مجني وصرت عدواني

[فهد الشيباني]

مرحبا يابو جزا مرحبا

صح بدنك

[ضيف الله العضياني]

ما احد مغن الفقير ان كان ربه في الزمن ما اغناه=كلامٍ مختصر ماهوب قول فلان وفلاني
انا ذيبٍ على قمة جبل من جوع جر عواه=ومن يشبع جنوب الشاه يرميني عن الضاني

[فهد الشيباني]

حظوظك يالعضياني تبا تعطيك بشت الجاه = تبا تلقا الفرص واجد ليا من صرت ضمياني
الا ياذيب قدمك ذيب راح وجرته تنعاه = اكيد انه وقع في فخ لاجيته ولاجاني

[سـعـد الـعـصـيـمـي]

انا ذيبٍ على قمة جبل مـن جـوع جـر عـواه
ومن يشبع جنوب الشاه يرمينـي عـن الضانـي



الله عليك يمكن اول مره تمر علي هالتركيبة على معناها المستهلك نوعاً ما

ولاتستانس ترا الصف صف فهد

صحت السنتكم

[فيصل بن فهد الجهني]

صح الالسن



و انا بصف العضياني




الليل يا شششعار الليل