الطـآرف ..

[صقر نايف العتيبي]

السلام عليكم ، يسرني المشاركة في هذا القسم ..من بعد الغياب الطويل .وبناء على شروطة .
الاسـم : صقر نايف الروقي

الطارف سداد

سلام ردة على اهل القسم والي حضر=اعمها ، واعرف العربان من برها
اليا تواجد عميل الشعر .. جبنا الشعر=وكّل غطوة نفصلها على قدرها !!

[احمد مبارك العتيبي]

يامرحبا وانت بيرق فالشعر منتظر=ترحيبتن ترحم الحران من حرها
الشعر عندي وكلن ينتبه للخبر=هات الخبر واهل الاشعار من شعرها

[صقر نايف العتيبي]

دام البقا ، مير بعض الناس لامن طمر=مايحسب الوقفة الي جاهلن شرها
كلن يفصل على قدة : بحسب النظر=وانته في حلة ثيابن تحتك اتجرها.!!

[احمد مبارك العتيبي]

ليه الخطا والخطا يرديك جوف الحفر=مدحتكم والمدح للاهل الجهل غرها
اخوك ابو عيال واكبر منك واخذ الحذر=ما انته علي اسمك (صقر) والموجه إتفرها

[صقر نايف العتيبي]

الحق يابو مبارك واجبن ف البشر=ولا المجامل يضر الناس ويسرها
بعض العرب لو يشيّب كن عمره عشر=يشيب راسه وعقلة مانمى فكرها

آخر تعديل صقر نايف العتيبي يوم 03-Jul-2011 في 09:00 AM.

[احمد مبارك العتيبي]

يابوك حنا مع الشعار مثل البحر=وانا اعرف الخبل من كلمه ليا جرها
العمر فيه التجارب والحكم والعبر=والملعبه غثها مجنون لامرها

[صقر نايف العتيبي]

لامن شفته جناح الطير فوق البقر=ابا اعترف وقتها واقيمك : بحرها..!!
مجنون والي شتمه ايعادلة ف الفكر=واهل المجنة تبيح اغلاطها عذرها.!!

[احمد مبارك العتيبي]

عورتك من راسك وغط الشعر لاظهر=ولا النشاما لها عوره تحت سرها
بنشدك عن خمستن والخمسه إلها ظهر=صارو ثلاثه وشرواكم كبر ذرها

[احمد مبارك العتيبي]

تشرفت بمحاورتك يابيرق

و الخاتمه عندك اذا ودك

والدعوي مزوح تجي وتروح


ومع السلامه

[صقر نايف العتيبي]

هذي معاور رفاع الشان واهل القدر=ياراعي الشتلة الي شرقت نحرها
بعض العرب هرجته قذرة لإنة قذر=والقذر مايخرج الا من ضهر قذرها..!