همــــســة غــلاء

[نشمي مقعد نايف العتيبي]

همسة غلا اوهيجنات ومواويل = وريح اقحوان وجو دار ٍ مريفه
بعد سقاه من المزون الهماليل = صادق حقوق الوسم مدري خريفه
ونار ٍ سناها مرعب ظلمة الليل = والجو هادي والسوالف طريفه
مع دلة ٍ رسلان ومبهره هيل = فنجالها للراس طبه وكيفه
وفي لحظة ٍ مني وانا اراعي اسهيل = دق الرقم نواف واثره رديفه
صوت ٍ غنوج ويفتر الجسم والحيل = والقلب زادت سرعته عن رجيفه
تقول وين الناس ياشاعر الجيل = نسيتنا والا خذتك الوظيفه
والله ياشعار ساحة غرابيل = ان اتصاله والعلاقه نظيفه
خامس سنه يروح ليل ٍ ورى ليل = وأنا أنتظر وصل الوليف الوليفه
دار الحديث وزان حلو التعاليل = يوم اغمد الوشاااي رمحه وسيفه
مالي جليس الا القمر والمعاميل = ومعاتبات أهل القلوب الشريفه
وزفت لنا ريضان نجد التباجيل = وغنت لها صم الجبال المنيفه

[مرزوق حمدان العتيبي]

..

.
بكل المقاييس مذهله والتقييم

*****
ونــار ٍ سـنـاهـا مـرعــب ظـلـمـة الـلـيـل
والـــجــــو هـــــــادي والــســوالـــف طــريـــفـــه

توارد افكار عجيب بيني وبينك في هالبيت

الجو هادي والمساكن دفيه
والبن الاشقر من بعده المفاطيح

في ليلة ٍ غدرا بها النار حيه
يجذب سناها مثل نور المصابيح

دمت للابداع نبراس يانشمي
لاتحرمنا جديدك

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[(محمد الدلبحي)]

صح لسانك
قصيدة تستحق التحيه
تقبل مروري وشكراً