السلام عليكم
اخواني
الاعضاءالمحترمين بمنتدى الهيلا عتيبه الشامخ اهديكم هاذي الابيات وامل انتحوز على رظاكم وعفاكم والردي يفداكم
مبداي قمة كل نايف لياء بان = سماوين كن السما مرتخيله
كني لياء شفته من الارض زعلان = وكن الروابع فيه برقن تخيله
ابديه عقب العصر وانزل مسيان = وقول جزل القول واترك هزيله
ياركبن من عندنا صنع الالمان = الي على الدقه جديدن مديله
لياء لمس ابنصه سايقه فز عجلان = صدره نهض ف الخط وارخا شليله
علاه زيزو من ليا هب نشطان = يدل دربه مايبا له دليله
مع مفرقن بين المحازه ورضوان = حطه على باله بعد دق ويله
ومفرق قبل لاياصل العد مران = لدغيبجه ديرة شيوخ القبيله
ديرة معش الطير والذيب سرحان = مرعب مخظبت السيوف الصقيله
سيفه يطش الروس من بين الامتان = ويسيل الدم الحمر مع مسيله
عمر الجواع محني السيف شامان = يرقد ويامن ف المخافه دخيله
وديرة سلايل زيد من عصر بدران = نزل الشيوخ الي عداهم ذليله
تيامن لياء شفتها شوف الاعيان = ولياء فهقة خذ من شمالك قليله
تشوف ديوانن كبر قصر برزان = مشيدن كل الطراقي تجيله
لهل الكرم والجود رمزن وعنوان = بانيه ناصر باني امجاد جيله
تملى الصواني فيه حيلن وخرفان = والبن الاشقر كايفن حكر هيله
فنجاله يطير عمس كل ظرمان = يبري خواء راسه ويشفي غليله
ولاعد فيه الشيخ زودن ونقصان = شيخن يكيل ويوفي الصاع كيله
ذخرن له الاماجاد من ماض الازمان = من راس زيد و عمر ماجة دخيله
اهل النسب مابين خالن وجدان = فيهم سليل المجد يلحق سليله
زمزم يزم ويارده كل ظميان = ون زادو ظيوف الله ازداد سيله
شيخن تحدر من شيوخن لهم شان = شيخن ليا مال الدهر ينعنيله
ناصر عمر مقدم طويلين الايمان = ابن الجواع الي يشيل الثقيله
الشيخ ناصر عمر ابن زيد لاهان = شيخن سنام المجد قاسن طويله
علاه راع الطيب يثني بالاحسان = والاش من عنده سريعن جفيله
شيخن ليا عديت لك فعل شيخان = تشوف معه فعول غيره قليله
ولاني بفي مدحي لبن زيد غلطان = والمدح غير الشيخ مايستويله
راعي شداد وراعي سنان وعنان = ون عدو اهل الجود راعي فظيله
لاخاب ظني في سلايل كحيلان = لامن جا ف الوقت عدله وميله
وراين بنيته فيك ياشيخ وكدان = ولاعاد عندي فيك راين بديله
وانا فلان الي مشاور فلانتان = الياء خذ المبدول راي الهبيله
والال مصخن والاخير مرظان = والي يدور رايهم عزتيله
مع تحيات
(راعي الزرقاء)
آخر تعديل فيصل مطر يوم 11-Jun-2011 في 01:39 AM.
« آخـــر الـــمـــشـــاركــــات »
11-Jun-2011, 01:34 AM
زمزم يزم ويارده كل ظميان
العرض العادي
