درر مكنونة

[غالب الذيابي]

مرحبا بالاعضاء والزوار..
في هذا المتصفح سنسلط الضوء على جواهر الكلم
التي لها علاقة بالنصح .. وسوف يكون الطرح
على شكل ابيات من ذاكرة الحفظ او من شعر الاعضاء..

سوف ابتدئ بثلاثة ابيات نصح للشاعر القدير عبد الله الفرهود الاسعدي..

ياعبد العزيز ان كان خيرت بين امرين=تخير يابوك اللي يقربك من ربك
واذا متّ لاتذرف عليه دموع العين=ولو كان ذرف الدمع تعبير عن حبك
ابي منك تدعي لي وتحفظ عمود الدين=وتحذر من الدنيا قبل لاتقلّب بك

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

آخر تعديل غالب الذيابي يوم 22-May-2011 في 01:17 AM.

[علي الدعجاني]

لاهنت ياغالب

موضوع مميز

[غالب الذيابي]

انا بنصح اللي يشري البن يبغى الكيف =يحطه بدلّه لا يحطه بتلاجه
نصيحه تجنّب هرجة اهل الكبود العيف =عزاز النفوس وفالمحاضير هراجه
مادامه يطيع الحرمه تصرفه تصريف =يكب الكرم والناس ما همب في حاجه

غالب بن لوي

[أخو جوزا]

يــابــاغـــي الــجـــنـــه صــــلاتــــك=صـلاتـك
لا تنـشـغـل عـنـهـا بـدنـيـاك
تنجيك
تنجيك بامر الرب من ملهياتك=
إبليـس والنفـس الخبيـثـه وتحمـيـك

بعـد الشـهـاده هــي سـعـادة حيـاتـك=وإن مــت للجـنـه عـسـاهـا تـوديــك

أخـلــص بـهــا لله وإدفــــع زكــاتــك=وأتبـع بهـا صومـك وحجـك لوالـيـك

أركـــان خـمـسـه سـيــدة واجـبـاتـك=للمـنـعـم الـوهــاب ربـــك وبــاريــك

خالد بن سعود

[محمد الذيابـــي]

جعل السحاب اللي بروقه لها ضوح=يرخي هماليل الغشين القراحي
لو كان مالي في مراعيه مصلوح=لاني بلا موده ولاني متاحي
متريّحٍ مابين جدران وسطوح=مبطي من الثنتين خالي مراحي

عبدالله بن زويبن الحربي

التوقيع

التوقيع محمد الذيابـــي

[( نجم الحجاز )]

موضوع شيّق ياغالب تستحق الشكر ،،،،،،،


. .


تقبل مروري......

[علي الثبيتي]

موضوع ممتاز ياغاااالب

ودي وتقديري

التوقيع

ماني بلا روقي ولا برقاوي = انا ثبيتي جد روق وبرقا

[غالب الذيابي]

لابلاك الله تصبر واحتسب=عادة المسلم على الشدة صبور
اتلمس للخوي عذر وسبب=لا لحقني من بعض ربعي قصور
واتحمل زلة كحيل العرب =واتحاشا عضــة الكلب العقـــور
واعشق الغالي ولاهو ب الذهب =وانزل العالي و لاهيب القصور
في هجير العمر خاويت التعب=فوق رمل البيد او موج البحور
كل حـي في حياتــه له طلب =ذا تهيالــه وهـــذا في دبـــور
لا تعجب ما على الدنيا عجب=حكمة الرحمن خلتها تدور

خالد الفيصل

[غالب الذيابي]

مالوم عين(ن) تصطفق بعض الاحيان =شافت غرابيل الزمان الغريبه
ياكثر ماشافت ويا قلّ الايمان =بقلوب من بقلوبهم شك ريبه
من ينصح اللي يعتقد له بكهّان =يشرك مع الله واحد(ن) مايثيبه
لويصدق الكاهن طلع منه برهان=وافتكّ نفسه من حدوث المصيبه
لاشك كذاب(ن) خذوا منه كذبان =والله صدق علام غيبك وغيبه
من سبته ياميت القلب ندمان =لعل قلبك للعمى ويش تبي به
أنصحك ياللي رشك الشيب عميان =وادي جهنم حادر(ن) مع شعيبه
يطغيك زود المال والزود نقصان =غادي بسوق السوّ ليه تغدي به؟
لاتدَعي بالمال رابح وخسران =يفلجك من زين العمل يدّعي به
وافطن لكلمة ويل يوم للانسان=في موقف ماينفع المرء جيبه
لشر ميزان وللخير ميزان =تكتب ملائكة السما وتعدي به
خذ لك نصيحة واحد داج الاكوان =جرّب غرابيل الدهر من نصيبه
من جاهد الدنيا بلا رووس جنحان =يصبر لصكّات الزمان الرهيبه
وانا الذي شفت الوزا ياسليمان =برد الشتاء والقيض اكلني لهيبه
والله يالولا كلمة قال ديّان=حقي غدى به مانوى انه يجيبه
لاشهر كما يشهر مع الجو شيهان=قطع البحور ولا حياة الغليبه
لجّوا علي الناس قوم ٍوصدقان=واخترت عنهم بعد مسرى النجيبه
يارب تجعل لي من الذنب غفران=يافارج(ن) لايوب مما بلي به

بندر بن سرور

[سيف نت]

ولا الذ من عشرة شريفن من اقصى القوم=يبادلـك فعـل الطيـب معنـاه وسلومـه
واذاشفت في جو الصداقه غبش وغيـوم=عطيت الدروب اللي مع الارض مرسومه
ولامثل عز النفس لـو مامعـك مطعـوم=وعن اهل الشماته خل الاسرار مكتومـه