لايامضاوي عذبتني مضاوي = وانا بعد شوفت مضاوي تعذبت
قلبي كواه من ادعج العين كاوي = بانت كوايا القلب مهما تصبرت
ماعاد انا ياحمود للصبر قاوي = ثالث سنه وانا ادفع البوح بالكبت
اليا ذكرته زاد بالكبد لاوي = والعين هلت دمعها ليلة السبت
اسنين مرت في لقاها رجاوي = ارجي وصال اللي بسهمه تصوبت
من عقبها كني وحيد جلاوي = وباسبابها يابومشاري تغربت
هاذي غلاها في ضميري يساوي = اهل المدينه والقرى مع هل الخبت
ان كان تشكي من عشيرن جفاوي = قبلك شكيت وصحت وابقلبي انصبت
قلبك خضر والا محيل سناوي = والانهر ينبت على جاله النبت
لاتشتكي لي يابعيد الهقاوي = خلاص انا من عقبها يالوفي تبت
قلبي كواه من المزايين كاوي = مابين جده والبحر منكبت كبت
آخر تعديل نشمي مقعد نايف العتيبي يوم 19-Feb-2011 في 09:24 PM.