العاقل اللي يتبع القال والقيل

[فهد بن ضاوي العازمي]

العاقل اللي يتبع القال والقيل
** * * * * * * * * * *دايم متابع له وصارت هوايه
تاهت علومه في فمي الجهاهيل
** * * * * * * * * *والفكر ضائع منه والعقل تايه
ماهوب بجايب من علوم الرياجيل
** * * * * * * * * ماغير هرج بدون فعل وحكايه
الطيب يبغاله رجالن حلاحيل
** * * * * * * * * * * *تقدره ومجمله في الروايه
ولا الضعيف ماله بدارنا ميل
** * * * * * * * * * * يروح يلقاله مع اشكاله آيه
مدام لاياخذ ولايعطي خبيل
** * * * * * * * * * *هذاه وش تبغا منه ياضنايه
أنا وريث المرجله والمشاكيل
** * * * * * * * *اللي لهم في مارد الطيب غايه
ماني خوين لبو نغزه وبو ذيل
** * * * * * * * *يعيش في جوه وانا في جوايه
وان جات منه كلمةً فيه تعيل
** * * * * * * * * * * *رميتها في بحر ولا ورايه
هاذي خلاصه قلتها وافي الكيل
** * * * * * * * * * *واقدر الطيب ليا اخر نهايه




الشاعر / فهد بن ضاوي العازمي