محاورة سلطان الهاجري وفالح الغنامي

[محمد المرشدي]

هذا المحاوره اقيمت في منتدى المرقاب وذكرت اسم المنتدى لحفظ الحقوق فقط



اعجبتني ونقلتها لكم



الشاعر/ سلطان الهاجري
سلام الله عليكم واسمعوا هالقاف يا الجمهور
وأنا عيني على قطب اليمن والقلب في الشّامي

ألا يا صاحبي فالح نقا يا الشاعر المشهـور
تهيض والطريـق السمـح قدامـك وقدامـي

الشاعر/ فالح نقا
هلا يامرحبا ترحيب اوضح من شعاع النور
وعسا العين السليمه ماتضيع درب الاقدامي

تقوله وانت ياسلطان شاعر ماعليك قصور
تثمن وقفتك سود الليال وبيـض الايامـي


الشاعر/ سلطان الهاجري
قطعنا الحبل يا فالح نشب طابور فـي طابـور
عقدنا الحبل يا فالـح بلشنـا بيـن الايتامـي

يا عساس الحيا وشلون عشب الوادي الممطور
عسى ماهو بمثل العام واللي من ورى العامي



الشاعر/ فالح نقا
ياسلطان اخذ حذرك وانتبه قبل الرصاص يثور
ترى ماهي غريبه ترجع الرميه علـى الرامـي

ليا طاح الحيـا يابـو محمـد درج المظهـور
نبا نرتاح مـن دارٍ بهـا رعيـان الاغنامـي



الشاعر/ سلطان الهاجري
الا يابدو ياهل الخيل واهل البيـرق المنشـور
متى بالله تعلمتـوا علـى تفسيـر الاحلامـي

عسى الله ما يحرم المسلم المؤمن جنان الحور
لو ان الله يقفـل بابهـا عـن كـل غنامـي


الشاعر/ فالح نقا
لو ان الكحل ياسلطان ينفع فالعيون العور
كريم العين ياخذله ثـلاث ايـام مانامـي

ترا الجنه مهي في يدين عبدٍ منهين مامور
وانا ماقول غير الله ينصر دين الاسلامـي


الشاعر/ سلطان الهاجري
يحوم الصقر يا فالح ويكسر هيبة العصفور
لكن الله يعز الشجره اللي غصنهـا نامـي

يعيش الخيبري ويموت من خابور في خابور
وأنا من فضل رب البيت لا جايع ولا ظامي


الشاعر/ فالح نقا
ليا كبرتها يابـو محمـد سـدت الحنجـور
ولكن احمـد الله زال تلقـا خبـز ويدامـي

حياة الساحل الشرقي على الربيان والهامور
وليا قلنا السمك وش فيه قالو ماله عظامي

[سلطان البقمي]

الشاعر/ فالح نقا
ليا كبرتها يابـو محمـد سـدت الحنجـور
ولكن احمـد الله زال تلقـا خبـز ويدامـي

هههههههههههههههههههههههههههههههههههههههههههههههههه هههههههههههههههه


عزالله انك شاعر جزل وتستحق السيف


اشكرك على النقل

[عبدالله السرحاني]

محاوره رائعه

ابدع فيها فالح الغنامي


مشكور على النقل الرائع



تحيتي