مرحبا يا هامةٍ مالها وصف ونديد - الهيـــــــــــــلا *** منتدى قبيلة عتيبة

غالب ابو كتيفه · 15-Mar-2011, 08:29 PM

السلام عليكم ورحمة الله وبركاته

يا هجوسي كم لها خامده نار القصيد= لين هب الها من الغرب ريح ٍ شبها
اعمري يا نار فكري وجودي بالجديد= الجداد نحبها والرجال تحبها
هاجسي يا هاجسي خل عينك للفريد= الثمينه هاتها والرخيصه كبها
الرها لا بارك الله فالمد الزهيد= افتل حبالك لعد الروى واشربها
صب دلوك فوق روس الحيام ولا تحيد= لين تروى مربع المفرده ومغبها
الدرر دايم عوايدك يوم الله يريد= كنها من منجم المهد يوم تصبها
عطر اسماع الرياجيل بالجزل المفيد= بعد لقتك الرجال العوارف لبها
مرحبا يا هامةٍ مالها وصف ونديد= هامة ٍ ما فوقها غير هامة ربها
هامة ٍ ينسب لها الفخر والمجد التليد= الملوك تهابها والمثل يضربها
مرحبا بك يابو متعب عسى عمرك مديد= يحتفل شعبك بعودتك ويرحبها
مرحبا يا بهجة الدار يا ضد الضديد= يا ذراها يوم هوج الرياح تهبها
مرحبا يا تاج راس القريّب والبعيد= يابعد من حبته دار ابوه وحبها
يا رصيد اللي يعيش الحياه بلا رصيد= يا طبيب اللي فقدنا الامل في طبها
في حظورك سيدي كلنا فرحه وعيد= والقلوب امست تبادلك صادق حبها
في حظورك يطرب الحرف ويزين النشيد= والشعور من الغلا نبها ما نبها
وانت ياللي تحسب انك ذكي وانته بليد= شوف لك روس ٍ بليّا عقول وعبها
روسنا مليا من العقل والراي السديد= وتهبا عنها الشياطين ما تلعبها
شف يدين الناس تهدم وايادينا تشيد= كم وكم من روس قوم ٍ طحنـّّا حبها
كان في راسك مكايد ترانا اللي نكيد= وانت تخسرها وحنا الذي نكسبّها
دارنا مادونها جسر واسمنت وحديد= دونها حنا ويحرم عليك تطبها
لا تقوم تقرقع البندق اللي ما تصيد= بندق الفتنه تعوذ ابليس وخبها

..