سفينة نـــــوح
.
اخواني الكرام
سوف اقوم ان شاء الله بمحاولة جمع قصائد الشاعر فلاح بن مبرد الحميداني في موضوع واحد
املاً من الله ان يحوز عملي هذا على رضاكم
وهذة للشاعر فلاح الحميداني اعجبتني
عدّيت في راس الطويلة وغنّيت= أفرض رضا روحي على من كلفها
أغضبتها في موقف الطيب وأرضيت=فكرٍ على درب المعاسر عسفها
ياقوّ طاقتها بما شال وأخفيت=شيئٍ عليه الروح ماالله كلفها
حاولت أغيّر في مجاريه وأزريت=ماينخصم وجه الحقيقه عرفها
مع الظّروف بمقنعاته تقصّيت=كم حلت به حيلة تصيب ونسفها
حتّى عليه من الغضب منه ردّيت=ردّة منزّحت السّرب عن عطفها
لا شكّ ماصارت على ماتورّيت=عند الغضب تخطي المصيبه هدفها
جيته ليا جيت مطوّع لعفريت=يخلي الجسد لاجى والى أقفى خطفها
وقفت مالي من جدا إلا التنّاهيت=ألعن هكا الحزّة وحظّ عرفها
ممّا بصدري سجت رجلي وسجّيت=أقنّع النّفس العزيزة باسفها
ما يرجع اللّي فات لو قلت ياليت=دنيا تخالفني على الله خلفها
جلست في راس النّبا واستمدّيت=وحالي على غير أحتمالي دغفها
كنّه لبس جسمي من الجنّ عفريت=يوم أرتهج وصفوح طبله رجفها
نسنس هواه اللّي يهزّ المنابيت=صلفن ليا هبّت هبوبه عطفها
هواه حنّت منه روس النّحاتيت=وتجاوبت خضر الجريد بسعفها
قامت تصافقها هبوب السّباريت=لين العذوق الخضر هلت حشفها
ورّاني الدنيا على ماتمنّيت=هدّم مبانيها وحطّم تحفها
ضربه يفتّت عالي السقف تفتيت=من أعلى طوابقها ليا آخر غرفها
يشتّت المجموع بالقوع تشتيت=صبّاتها كبر الأظافر شظفها
من عابرات ماتمشّى على الزيت=أحدث صناعات الخبير اكتشفها
فكري موقّتّها على الضيق توقيت=لو أطلب الصنع المحرم صرفها
هيجات فكري تجمع الحيّ بالميت=صنع الخفايا معجزة من وصفها
دخلت في مثل الظلام وطفيّ الليت=وشدّ الستارة بالخيوط وكشفها
أدرج شريطه بالجهاز وتحلّيت=يمشي على نون النواظر سلفها
تتابعت فزّات روحي وفزيت=وكنّ الوجيه الغايبات تعرفها
تدفقت عبراتها يوم ونيّت=وجفني غسلها بالدموع ونشفها
في راس مرقاب العنا لين ملّيت=من عصر لين الشمس كفت طرفها
مع العذاب أبحرت وأحترت وأمسيت=كنيّ سفينة نوح مما صدفها
خوفّني الهاجوس لين أستخفّيت=وفكّ الحصار وقال دنياك شفها
يوم أستهاض وهاض وصّفت واصفيت=نقعة بحر لو زاد ماها نشفها
| التوقيع |
|
التوقيع
محمد الذيابـــي |
آخر تعديل محمد الذيابـــي يوم 26-Mar-2011 في 02:18 PM.
26-Mar-2011, 02:15 PM
سفينة نوح
العرض العادي
