من قال ابنساك قله يالغلا بدري‎

[أبو طالع العتيبي]

بسم الله الرحمن الرحيم

اسري مع الليل مثل الصوت مايسـرى
وكن الهوا غصب يأخذني على [ بيتك ]


وإمر بيتك ..وأشوفك!! وإنت ماتـدري
لا تحسب انى عقب صـدك تناسيتـك





من قال ابنسـاك قلـه يالغـلا بـدري
لو كان ابنساك ابشرك كـان ماجيتـك





قصة عذابي مسلسل ينعرض حصـري
على قناة "العتـب "مـن يـوم خليتـك





حرام تهـدم حياتـي يابعـد عمـري
لاتصير قاسـي ورب البيـت حبيتـك





في ذمتى لاذكرتـك ينشـرح صـدري
انـت اول انسـان بالعالـم تمنيـتـك




حاولت اصبر!! ولكن مانفـع صبـري
قلي شسـوي ؟ وانـا كلـي تباطيتـك


مرات تطري علـى وينشغـل فكـري
ياكثـر ماشتقـت لعيونـك ومريتـك




وقفت ضد الزمان.. وجبت لك عـذري
ووقفت ضـد الظـروف.. وماتعديتـك


وحياتك العمر..دونك صـار مايغـرى
ياللى مع الـروح عادلتـك وساويتـك