قصيدة مدح في الشيخ غازي بن عساف بن محيا

[سلطان نايف العضياني]

هذه القصيده قالها الشاعر/حمد بن سالم العنزي

في العميد ركن/غازي بن عساف بن محيا

عندما إذيع خبر نقل العميد ركن /غازي بن عساف من قيادة كتيبة مدفعية الميدان الأولى بالحرس الوطني إلى قيادة كتيبه إخرى

ويذكر الشاعر/حمد بن سالم منجزات العميد إبن محيا وحنكته في قيادة الكتيبه وكيف أوصلها إلى مراتب متقدمه بين الكتائب

وهذا ليس بغريب على العميد إبن محيا فالكل يشهد له بالحنكه وبعد النظر وطيب الخوه إضافه إلى مايتمتع به من ثقه قويه من ولاة الأمر وعلى رأسهم سمو رئيس الحرس الوطني

يقول الشاعر/حمد بن سالم العنزي:

للكتيبه ياخلف من صار قايد=وين أبو وايل صحيح العلم هاته
ياخلف عسى الخبر ماهو وكايد=دام توصل كل علم(ن) منتهاته
هاضت الافكار ببياتٍ جدايد=والسبب علمٍ سمعنا مداولاته
نقل إبن عساف كساب المجايد=غازي اللي ماتعد إميزاته
قايدٍ في جملة الحالات زايد=كامل والكامل الله في صفاته
في علوم المعرفه نال الشهايد=ترفعه يم النجوم موهلاته
قايد لروس المعالي صار رايد=داهيه والكل يعجب من دهاته
قايدٍ منه إكتسبنا كل فايد=ماحصرنا بالكتيبه منجزاته
ينطح الصعبات عنها مايحايد=والعمل ماهي تهمه معضلاته
أشهد إنه صار للوحده سنايد=بحنكته ودرايته ومخططاته
لجل سمعتنا تحمل كل كايد=ماأعتقد به قايد سوى سواته
فات سبع سنين ماشفنا نكايد=ماوجدنا غير طيبه وحسناته
لا وعد في شي يوفي بالوعايد=والخوي ماشاف كثر ملاحظاته
كل ضابط بالكتيبه فيه شايد=وكل فردٍ يمدحه من طيب ذاته
وغير ذالك شيخ ويمثل بدايد=راس وبروس المحايا ملتقاته
مايكفي ماكتبّه من قصايد=فيه يحتار القصيد ومفرداته
بذاكرتنا ترسخ أقواله خلايد=من نصايح قالها بمحاظراته
فاله التوفيق وسنينه مدايد=والله إنه يسعده باقي حياته

الشاعر رئيس رقباء/حمد بن سالم العنزي

[كاشف الحقيقة]

يستاهل ابو مساعد وبيض الله وجهك يالعضياني

[ولدعساف]

وغيـر ذالــك شـيـخ ويمـثـل بـدايـد=راس وبــروس المحـايـا ملتـقـاتـه
مايـكـفـي مـاكـتـبّـه مــــن قـصـايــد=فـيـه يـحـتـار القـصـيـد ومـفـرداتـه

صح لسان العنزي ويستاهل الشيخ غازي بن عساف بن محيا ..

لاهنت يابن عاضي ..

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[أبو طالع العتيبي]

لاهنت أخويه

[محمد الذيابـــي]

يستاهل بن محيا وشكرا للعنزي

[ابو يزيد الحافي]

يستاهل بن محيا وشكرا للعنزي