ياسيدي صقر العروبه!!

[نواف الشيباني]

السلام عليكم

اعضاء وزوار منتدى الهيلا االرسمي اقدم الكم هذي الابيات في سيدي خاد الحرمين الشريفين ومهما قلنا مانوفي في حقه

ياسيدي صقر العروبه مرحبا ياسيدي=ياخادم البيتين ياراع المكارم كلها
ياراعي الوجه البشوش وراعي الكف الندي=ياجامعٍ طيب الخصايل دقها مع جلها
مالك شبيه الله يعزك ياملك غير الجدي=صعب الامور الكايده ماغيرك انت ايحلها
سندك ابوخالد عريب الساس نعم المسندي=اللي ليا جات المهمات وبدت كفولها
وشعبك يبايعك الولا وقت المواقف يفتدي=الشجره اللي كلنا بعد الولي في ظلها
من دونها ناقف حشود ونردعك يالمعتدي=اسيوفنا من دونها وقت اللزوم انسلها
ماهمنا راع الردى راع الردى دايم ردي=لو هو يزين مظهره طبيعته في حلها
حنا هل الطولات دايم بالزعامه نقتدي=ترا النفوس انعزها مانرتضي في ذلها
واللي عن الدرب الصحيح ايلف ولا يحتدي=حنا نرد اللي دروب المسلمين ايزلها
نمشي على درب النبي راع البساط الاحمدي=شفيع الامه في نهارٍ حشرها مقبلها

صل الله عليه وسلم




نواف الشيباني

[فهد الشيباني]

صح السانك يانواف


الله يحفظ ملكنا ويطول في عمره

[أبن حشيان]

صح لسانك يابو مشيب وماهما قلنا في خادم الحرمين الشريفين من القصيد اوالمدح لايفي بالغرض اطلاقا الله يمتعه بالصحه والعافيه امين ويجزيه عن المسلمين كل خير عمومن تقبل تحياتي ومروري

[نواف الشيباني]

فهد الشيباني صح بدنك ولاهنت

[نواف الشيباني]

اب حشيان صح بدنك ولاهنت