ودكــ تحطه بكرتون

[مرزوق حمدان العتيبي]

..

.
والله ان هاجس الشعر غايب من فتره ولاعاد يوجد مايثيره اويستحثه

ولكن حبيت ان اتواصل معكم ومع قسمنا الجميل بهذه الابيات ..

بعض العرب ودك تحطّه بكرتون = ومن فوق كرتونه تلزق بتيبي
الخير مامن خير والشر مضمون = شره على عانيه هو والقريبي
يفرح لياشاف الاوادم ينمّون = ويغضب ليا زادوا هل الطيب طيبي
لاقول لاصاحي ولا اقول مجنون= بس الاكيد انه سلوكه غريبي
اشكال هذا جعلهم مايعشون = وان كان عاش يموت ماجاه صيبي
من شان خلق الله منه يستريحون = ويكثر سواد اهل الكلام اللبيبي

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD