سؤال

[زياد حسين]

صبحتم او مسيتوا بالخير >> حسب توقيت المشاهدة


يالربع لاتشرهون علي فيه شي بخاطري واجهله والسبب العادات تتداخل علي ومع كذا انا عشت برا فترة

حول 6 سنوات غربة


يالربع خالي ساكن في ديرتنا ويبي يجي عند خالي الكبير عندنا في الدمام وحنا ساكنين نص العائلة فيها

المهم انا ماني من الفخذ اللي منه خوالي

فمادري متى الوقت اللي اعزمه فيه بيوم العشاء اللي يكون عندي خالي الكبير اذا جاء اول ماقابله اعزمه ولا وقت العشاء على الرغم ان 3 من خوالي من سكان الدمام راح يكونون فيه فمادري كيف طريقة العزيمة

وغير كذا خالتي تبي تجي مع ابن زوجها فمادري اقول لخالي ضيوفك اعشيهم ولا اعزم الولد مباشرة



والحاجة الثانية اللي ابي المعرفة فيها

صب القهوة اذا المجلس مليان وفيه شيبان وشباب ابدا من عند الشياب وهم يجلسون في نص المجلس والشباب على يميني المهم اذا فيه شايب وعلى يمينه ولد حول الـ 20 وعلى يمين الولد شايب اصب للولد ولا اصب للشايب اللي على يمينه اول شي

واذا جاني مسير رياجيل كبار واحد شايب عمره فوق 60 وجلس في النص والرجال معه حول 45 وجلس على اليمين اصب لمن اول ؟


ياليت يكون الرد بالتفصيل واعذروني ترى صغير عمري والوالد مهمل شوي في تربيتنا

[فهد علي العازمي]

يا رجال لا تعزم احد الذبايح غالية !!

[سرحان الشيباني]

والحاجة الثانية اللي ابي المعرفة فيها

صب القهوة اذا المجلس مليان وفيه شيبان وشباب ابدا من عند الشياب وهم يجلسون في نص المجلس والشباب على يميني المهم اذا فيه شايب وعلى يمينه ولد حول الـ 20 وعلى يمين الولد شايب اصب للولد ولا اصب للشايب اللي على يمينه اول شي

واذا جاني مسير رياجيل كبار واحد شايب عمره فوق 60 وجلس في النص والرجال معه حول 45 وجلس على اليمين اصب لمن اول ؟

اذا كان المجلس مليان يعني من الاربعين رجال وفوق تبدا من اول واحد على يمينك حتى لو كان عمره 10 سنوات

اما اذا كانو قليل تشوف الاكبر سن منهم وتبدا فيه