عبدالحميد الفهمي وبن عتقان (المفتي)

[نبض الكلام]

عبدالحميد الفهمي
سلام ردة وفا والعيد عيدين = العيد عيدين في كل النواحي
أنا مدحت الدميحي من زمانين = اثر الدميحي ولد ما هو بصاحي


عبدالله بن عتقان
يا مرحبا بالمذاهب والقوانين = يا طير يا طير خفاق الجناحي
يا موجه الباخره قول لي على وين = قدام تلعب بالأمواج الرياحي


عبدالحميد الفهمي
راعي الفلك خالف اللي شاف بالعين = وانته خليفة بلال بن رباحي
عنيتنا ما عرفنا لك عناوين = في كل ديرة مسوي لك مراحي


عبدالله بن عتقان
انا موقت على الجمعه والاثنين = وان غيروها البدو مالي صلاحي
يفرق الناس صاحين ومجانين = ويجمع الناس حي على الفلاحي


عبدالحميد الفهمي
اتزعل البدو والا تهلك الدين = اركان الاسلام ما فيها مزاحي
ما دام طاح الجمل عد السكاكين = لو أن عزمه قوي ما كان طاحي


عبدالله بن عتقان
اللي نقص يا بدو نقضيه بعدين = ليش نتطالب على الشيء المباحي
انهدي الوضع وانتم ناس عجلين = نقص المهر ما لغى عقد النكاحي


عبدالحميد الفهمي
يا وليكم يا مطففة الموازين = الحق بين مثل نور الصباحي
ما أنتم مهدين وأنتم غير هادين = أصل الحياه العقيده والكفاحي


عبدالله بن عتقان
حنا ترانا بشر ما انا نبيين = لو صارت ادقوننا طول السباحي
تلقى حديث البخاري في الدواوين = الحجه اللي نسميها سلاحي


عبدالحميد الفهمي
انتم بشر يالدميحي واصلكم طين = لو ينشف الطين تذروه الرياحي
اخبر حديث البخاري في الصحيحين = تقرا الدواوين تحسبها صحاحي


عبدالله بن عتقان
شاعر بني فهم بين الحين والحين = من الخلاصه يجيب الاقتراحي
تقدر تعرف الكتاب من العناوين = اعاملك عقل كامل ما انت ماحي

[محمد الذيابـــي]

,’


إبداع من شاعر فهم عبدالحميد.


شكراً لنبض الكلام.


طاروق راااائع.


,’

التوقيع

التوقيع محمد الذيابـــي

[مجري الهياب]

أنا مدحت الدميحي من زمانين = اثر الدميحي ولد ما هو بصاحي


هههههه


موضوع حساس و الفهمي في هذا الطاروق ارئ انه ابدع بعكس بن عتقان


لاهنت يانبض الكلام

[طلب الشيباني]

صراحه دخول الفهمي بالمحاوره ما كان موفق ابدا وكان مكشوف ..



بعد ذلك صارت حجة الفهمي اقوى وذلك لأن سيرها في صالحه ..



صحت السنتهم ولا هنت على النقل الجميل ..




تحياتي

[فيصل بن فهد الجهني]

ابداع غير مستغرب من الشاعرين


و لكن يبقى المبدع عبدالله بن عتقان .. هو نجم الشباب الاول


لا هنت يا الذيب على ذا المحاوره

[قاسي العتيبي]

شعراء مافيهم كلام