اسطورة الشعر محمد بن فطيس .

[حد الرهيّف]

مافي المثايل شـرد لاجيـت بقـول=ولا أعدها الا في مراحـي منايـح
تجتال في عقلي مثل جولة الجـول=وأدوج فيهـا جـاي وأدوج رايـح
أصول في القيفان لا احتجت وأجول=وأختـار فيهـا خيرتـي فالذبايـح
وأحدد المقصـود وأقـول وأطـول=واخيـر بيبـان القصيـد النصايـح
لكن باب النصـح ذالحيـن مقفـول=دامه مارد اللي عن الـدرب شايـح
ياللي لك البارح مزاميـر وطبـول=وناسن تحسب ان القصيد المصايـح
صاحي وتلبس للعرب ثوب مهبـول=وبنيت لك شهره عمدهـا الفضايـح
بنيتها تبغـي ذراهـا علـى طـول=وقامت عمدها فوق راسـك تطايـح
اذا تقابلـنـا فعـاقـل ومعـقـول=وان رحت جاني من طوارفك صايح
واللي تنيشن لك علينا وهـي حـول=وتغـرّك بتصفيقـهـا والمـدايـح
وتعطيك بالصفحات بالعرض والطول=وتضيـع السـاري بفَـرّ اللـوايـح
لو الشعر منهـا مصفّـا ومشخـول=ماشيف صدر الحلم بالغيـض فايـح
اخطيت في حق النشاما قبل حـول=وخلوك حشمـه فالبلاديـن سايـح
وعدت الخطا كنّك تحسب انهم خبول=والا خفاهم فـي القصيـد الروايـح
لحقت بلسانك اهل هجن وخيـول=اللي جميع خرفانهـم لـك سبايـح
حصانهم ذيله مـن الريـح منسـول=وبيرق هله يكفخ ولا شيـف طايـح
وتلحق بيوتك عذر ماهوب مقبـول=قد سدّ صبر اصبر هل الصبر بايـح
وذلحين قد راسك مابين ألحي فحول=والبرق فوقك كل كـم يـوم لايـح
كانك تبي دفن البحر فأنـت مهبـول=تطلـع عليـك السالفـه بالجوايـح
حتى ايش لو تاصل شهرة ابو الهول=وش خانة الشهره وهـي بالفضايـح

[أبو طالع العتيبي]

لاهنت أخويه الله يعطيك العافيه

[السامي الجعيد]

لاهنت يبقى ابن فطيس من الشعراء القلائل

[المـرشدي]

لاهنت أخويه الله يعطيك العافيه

[ولدعساف]

صح لسان بن فطيس .. والقصيده اظن انها تدور حول الأحداث التي حصلت بين بن الذيب والشبرمي .. والابيات الأخيره اظن ان المقصود بها خليل الشبرمي ..

سلمت ودمت وعلى النقل لاهنت ..

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[حد الرهيّف]

المشاركة الأصلية كتبت بواسطة ولدعساف

صح لسان بن فطيس .. والقصيده اظن انها تدور حول الأحداث التي حصلت بين بن الذيب والشبرمي .. والابيات الأخيره اظن ان المقصود بها خليل الشبرمي ..

سلمت ودمت وعلى النقل لاهنت ..

أخي الكريم ولد عساف اسعدني وشرفني مرورك أنت وجميع الاخوان اولاً.

ثانياً: القصيده قديمه لها اكثر من 4سنوات وهي منتشره بالبلوتوث.

ويقصد فيها أحد الشعراء والذي طلع على قناة الواحه وقال أنا أحق بالبيرق من بن فطيس.


فرد عليه بن فطيس وذكره بأن شهرته بالفضائح منها أنه أخطأ بحق قبييله عزيزه ومنها أنه يتغزل

ببنات دول أخرى وبغزل فاضح.


أشكرك أخي ولاهنت.

[ابو يزيد الحافي]

لاهنت أخويه الله يعطيك العافيه
شاعر كبير