((مراسله جديده بين الشاعر رمضان المنتشري ورشيد الزلامي ))

[علي الحبابي]

مراسله جديده منشوره في مجله المختلف
بين الشاعرين شاعر العرضه والقلطه رمضان المنتشري
والشاعر الكبير والمعروف رشيد الزلامي

البدع الشاعر رمضان المنتشري

يامالك الملـك يالله يالشديـد القـوي=انا بوجهـك مـن الدنيـا وصكاتهـا
لها سنه كامله عيت معـي تستـوي=من وين مـاروح مقفولـه ممراتهـا
البارحه نجم يتوارى ونجـم يهـوي=طاحت من العين مدري من مجراتهـا
ماكل نجم ٍ يطيح اسمع لصوتـه دوي=الله جعلها تطيـح ويكتـم اصواتهـا
الجم سكون التهاوي ليلي الفوضـوي=وتشابهت عندي احيا الناس وامواتها
يالليل عكرت صفو الشاعر النخبـوي=اللي سمان القصائد يصخـر ابياتهـا
والعارض اللي بغى يلوي ذراعي لوي=مغير بيـن لـي اصحابـي ونياتهـا
وانا صقر حر لايطبـخ ولا ينشـوي=ليـت العصافيـر ماتكثـر حركاتهـا

رد الشاعر العلم :رشيد الزلامي

البارحة صار ليلي سرمـدي وسـروي=وسائـل الصبـر قافلتـن محطاتـهـا
القلب مجروح والشكوى كوتني كـوي=الله يساعد علـى الدنيـا وعثراتهـا
سمعت لي صوت ذيب ٍ فالحجاز يعوي=صوت الذيابه يعبـر عـن معاناتهـا
جتني رسالة صديق ٍ رمزها معنـوي=من جور الايام واضحتـن علاماتهـا
القلب قلب حضري والهرج هرج بدوي=حرك مشاعر قلوب ٍ طـول اسكاتهـا
اكيد ياذيب في دربـك تبالـك خـوي=عايش ضروف الحياة وذاق لوعاتهـا
اخوك مشبعته الايـام طبـخ وشـوي=ماهمتـه رحلـة ٍ طالـت مسافاتـهـا