ربعي

[محمد عويض الثبيتي]

:




:




:

جلبت لي في سوق ربعي بضاعة=ما أبيعها لو ثمّـنوها بمليون
أفخر بها بين الأهل والجماعة=وأشوف ردة فعلهم وش يسووّن
ومع كثرة التجار عندي قناعه=اللي يجيه الدور يغرف بماعون
السوق زحمة وآخذٍ في اتساعه=والناس واجد فيه دايم يمرون
أهل التجارة فيه وأهل الصناعة=واللي بضايعهم مشكل يجيبون
إذا دخلت السوق تسمع إشاعة=مدري وكاد العلم وإلاّ يقولون
"اسمك يحدد لك رسوم البياعة=وبعض التحـّـيز والمواهب يموتون
مالي على بحث الحقيقة طماعة=وماني على بيع الرديـّـين مغبون
بعد المرض يمكن تشكل مناعة=والموت كل الموت لا صار طاعون
وختامها بيتٍ أحب استماعه=وأردده دايم ولا هو بموزون
ربعي هل الطالات طيب وشجاعة=ولا فيهم العيـّـة ولا البوّ والدون

:
محمد الثبيتي

[محمد العتيبي]

محمد الثبيتي


لله درك على هذه الرائعه الفريده ..


نص فاخر استمتعت بقرائته



تحيتي واعجابي
..

التوقيع

للتواصل عبر twitter تويتر al_bargawy@

[أبوزبن البراق]

صح لسانكـ بيض الله وجهكـ
تحياتي لكـ

أخوكـ ابوزبن البراق

[بن رفااع]

صح لسانك يالثبيتي

[طير الهيلا]

صح لسانك على هذه الرائعه ولله درك

[محمد عويض الثبيتي]

أ\ محمد العتيبي

مرورك شرف كبير لي وشهادة أعتز بها

[محمد عويض الثبيتي]

الأخ أبو زبن البراق

مرورك غالي وشهادة أعتز و أفتخر بها ووجهك أبيض

[محمد عويض الثبيتي]

صح بدنك يا بن رفاع

مرورك غالي شكرا

[محمد عويض الثبيتي]

طير الهيلا انت الاروع



مرورك غالي................ابيض وجه

[نايف المغيبي]

محمد عويض

صح السانك ولك تحيتي