نــتــائج مســــابقة الهيـــــلا

[وصل العطياني؟؟؟]

السلام علاكم

بعد إنتهاء فترة التصويت على أجمل قصيدة ...

يسرّنا إعلان نتائج المســــابقة وترتيب القصائد ...

مع خالص شكرنا لجميع الشعراء المشــاركين ...

ولكل من أدلى بصوته معــنا ...

فإليكم القصائد بأسماء الشعراء ونسبة التصويت :

الشــاعر نياف العتيبي
حازت قصيدته على المركز الأول بنسبة 18 صوت :

الحياة إحيان حلوه وأكثر الأحيان مره = تضحك الرجال مره ثم تبكيه ألف مره
كيف عاد اللي زمانه ماصفي له يوم واحد =ماتهني في حياته كلها مرة بـــــمره
عاش بأيام الطفوله لا يعه يتم الليالي = مات أبوه وهو توة وماتت امه منه حره
وأعتزي عمه وجابه ثم رمابه عند عمّه = قال هاك الورع أمانه وأفطني يلقي مضره
قالت أبشر لا يهمك وأعتبره أصغر عيالي= قالته قدام وجهه وإن ظهر قامت تعره
كل يوم يشوف ويله وإن حكي يزداد همه = تحرمه وجبة غداه وفالمساء عنها تجره
ويوم شد العود شمر قال أبادور وظيفه = وسجل المسكين جندي ضابطه دايم يكره
فالصباح يصب دله بالمساء يمسك خفاره =يستعد إن شاف ضيحه يرتبك ويزيد شره
جبت نبده عن حياته والبقيه في سجله=يصعب التعبير عنها لو كشف لناس سره
ما اقدر اكمل حديثي أعذروني يا رفاقه = دمعي اللي خازنه عين الشقا قامت تثره
وش يقول اللي حياته كلها مره ومره = ما ضحك لو كان مرة قد بكي مليون مرة

الشاعر مهنا الدلبحي
حازت قصيدته على المركز الثاني بنسبة 17 صوت:

الحياة أحيان حلوة واكثر الأحيـان مُـرّة=تِضحك الرّجّال مَرّة ثم تِبكيه ألـف مَـرّة
كيف عاد اللي زمانه ما صفى له يوم واحد= ماتهنّى في حياته كلّها مُـرّة بـمُـرّة
والمرض قافي ضلوعي والسبب ساس المضره=سبت اللي غاب عني وانتشل قلبي وجره
والمصيبه مالقيته لو لقيته صار جاحد=عزتي للي مشى دربي يبا درب المسره
عقبها جريت ونه لين وصلت المجره=ماحتمل عقبه ولاني محتمل مثقال ذره
ياوصل وصل قصيدي وسط صفحات الجرايد=قلهم هذي علومي وأعرفه وأعرف مقره
كود خلي يقري الموضوع وأقليبه يفره=تذكر أيام(ن)مضت مع خلها خيره وشره
لو تبا مليون وألا أفخم أنواع القلايد=تطلب اللي تطلبه بس حبنا لازم تقره
لو تقر الحب كني مالك(ن)بحره وبره=البحر كني ملكته بأجمل أنواعه ودره
هاك علمي ياوصل والحال من ضمن الشواهد=عطني حل السالفه وأرجوك قلي لاتشره

الشاعر ابو الوليد " عبد الملك الخديدي "
حازت قصيدته على المركز الثالث بنسبة 16 صوت:

الحياة احيان حلوة واكثر الاحيان مرة = تضحك الرجال مرة ثم تبكيه الف مرة
كيف عاد اللي زمانة ما صفى له يوم واحد = ما تهنى في حياته كلها مرة بمرة
ان تَفكَّرْ في حبيبه ضاق صدره من صدوده = واحترق قلبه على اللّي حطها فالعين قُرّه
كل ماحاول يقرِّب تبعده تسعين خطوه = تجذبه بالحب وِاهْيَهْ ناويه تسقيه شرَّه
وان تَفَكَّرْ فالقرايب كل واحد عنه غايب = وان قرب منهم تراهم جهزوا له ما يضره
والصديق اللي من اول يحسبنه ما يحوّل = بعد ما كان الصديق اللي يظنه ما يُغرّه
بعد ما ياخذ علومه قال له ربي يعينك = يالصديق اللي ترانا ما لنا قدره نُمرَّه
وان تفكر في جيوبه خاليه من كل عملة = لا ريالاتٍ تعينه وما معه دفتر يُفرَّه
وراس ماله بيت شعرٍ يكتبه سبعين مرة = يمكن اشعاره تساعد تطفيَ اشواقه وحَرَّه
والحياة اليوم صعبة ما تساعد كل نشمي = كل رجَّالٍ يدورمَدْحته لله درّه
وان تَدَبّرْ في مصيره بعد هذا العمر يذبل = والغصن بعد اخضراره سار يابس من يجره
وبعد ما يكبر ويصبح داخل الوقت الاضافي = اختلف عقله وجسمه وانكشف جهره وسره
وفا لنهاية كل مؤمن ملتزم بالله ربه = ما يفكر في حلاها والشقا والا المسرّة

الشــاعر مشــتاق
حازت قصيدته على المركز الثالث مكرر بنسبة 16 صوت :

الحياة أحيان حلوة واكثر الأحيان مـُرّة=تــِـضحك الرّجّال مـَرّة ثم تِبكيه ألف مـَرّة
كيف عاد اللي زمانه ما صفى له يوم واحد= ماتهــنّــى في حياته .. كلّــها مــُرّة بــ مـُرّة
الله يعين الخفوق اللي تبلّته المشاكل=بين فرح وبين هم ولا نظن إله المقرّه
بس همه ساطـيٍ به من زمانٍ ما يسره= عقب ما جاني خبر هز الضلوع المستقرّه
قالوا العله مصيبه تدمي جروحٍ سليمه=ودمعت عيني وضاق الكون مع وسع المجرّه
كيف ابا اصبر عقب جابوا لي علوم اهل القشر= ليت ربي يشفي الغالي ويكفيه المضرّه
جسمي الواهن عظامه يا عرب عيت تشلّه=كني المقطوع ضامي في خلا مدري بحرّه
قالوا الموعد ترى في سابع العيد وتجي=من مشاريف الحويه لين تاقع في مسرّه
والليالي يا "وصل" تقبل علي بكل علّه=قمت أحمطر في رصيفٍ لين بانت فيه جرّه
أدعي الله كل ليله ياخذ بيد المسمى= من صغير المزن حرفه في حياته ما تشرّه
تحت رجلينه جنان الله وعلم الطيب كلّه=إدعوا الله.. ما يصيبه من بلا.. مثقال ذرّه
ارفعوا معي اليدين وقولوا "آمين" وبعد= كرروا معي الدعا والله لاكرر ألف كرّه

الشاعر عبد العزيز الرويس
حازت قصيدته على المركز الرابع بنسبة 9 أصوات

الحياه احيان حلوه واكثر الاحيان مره=تضحك الرجال مره ثم تبكيه الف مره
كيف عاد اللي زمانه ماصفى له يوم واحد=ماتهنا في حياته كلها مره بمره
شاربٍ كاس العنا والغربله من كف وقته= قد مضاله مع زمان البهذله كره وفره
شاف بعيونه غرابيل الليالي ثم تاكد= ان مامر اكثر العربان صيوره يمره
ثم نضر للوقت يااهل العرف نظرة رجل عاقل= مستحيل انه يزل الدرب والدنيا تغره
حاول انه ينظم ابيات القصيده فالنصيحه=دام ابه ناسٍ بدرب الغي دايم مستمره
قصده ايخاطب بشعره كل واحد لين يفهم= وساعده هاجوس شعره فالنصح لله دره
الله الله بالصلاه وبالصيام وبالعباده= طاعت الله واجبه وابليس يسعى بالمضره
والتمسك بالعقيده هو عمود الدين كله= واجب ان الششخص يؤمن بالقدر خيره وشره
والدينك حاول انك تكسب ارضاهم بعطفك= تحت رجل امك جنان ووالدك لازم تبره

الشاعر ولد ذايب حازت قصيدته على المركز الخامس بنسبة 4 أصوات:

الحياة احيان حلوة واكثر الاحيان مره = تضحك الرجال مره ثم تبكيه الف مره
كيف عاد اللي زمانه ماصفى له يوم واحد = ماتهنى في حياته كلها مره بمره
عاش يرجي لحظة فيها ابتسامات وسعاده = والسنين العوج معروفه ومجناها مضره
الحياة دروب واوضاع بها الانسان ضايع = حظ شخص عاش كل اوقات عمره في مسره
في مواضيع الحياة افراح واحزان ومصايب = درب واضح للسعادة نسلكه والنفس حره
والضلال كهوف ظلما من دخلها صار تايه = من ترك درب الضلال يقال لله دره
قلتها لاخير في وقت يجيب ام العجايب =يفصل الله للخلايق بي خير امره وشره
عزتي لمن هو تغير في زمان الذل حاله = عاف فعل الخير يخلف له في امره
من كتاب الله عرفنا ثم جتنا من نبيه = تنتهي كل الحياة وتنمسح منها اي جره
ختمها يارجال صلوا على الهادي محمد = يميز العاقل بين بحر الوقت وبين بره

الشاعر مشعاب السبيعي
حازت قصيدته على المركز الخامس مكرر بنسبة 4 أصوات :

الحياة أحيان حلوة واكثر الأحيان مـُرّة=تــِـضحك الرّجّال مـَرّة ثم تِبكيه ألف مـَرّة
كيف عاد اللي زمانه ما صفى له يوم واحد= ماتهــنّــى في حياته .. كلّــها مــُرّة بــ مـُرّة
حظه الأقشر غزابة وإمتهن نبش المصايب= وإن بغيته يفرحك ما شفت منه الآ المضرة
لو بغيته يعتدل لوكان برهه من زمانه = قال هذي قسمتك مالك على حظك تشره
المقادير اكتبت في اللوح من قبل الخليقه= ومن رضى باللي كتبه الله يلقى ما يسره
سادس أركان العقيدة لا رضيت بما كتبلك = وكل شيء يعلمه رب السما بحره وبره
قلت أنا يا أخوك جاهل وأتحرى منك فزعه= مير عان وسادتك نوخ عليها فالمجرة
كود تاطاك الليالي واستريح من المهازل = وأن بغيت اتروح عني خذ زماني معك جره
آه من سود الليالي ليتها تصبح ثواني = يمكن ألقى بعدها حظي يعز اللي يمره
قالها مشعاب..... وقتك لو صفالك لا تسحبه= غير ناكس ما هقيته عبقريتك فيه ذرة

تحيااااااااتي.

التوقيع

na111na@hotmail.com

[وصل العطياني؟؟؟]

وأبارك للأخ " نياف العتيبي "

حصوله على المركز الأول ..

وعليه سوف ينال درع بإسم منتدى الهيلا , يسلّم إليه شخصياً ...

و وســام جائزة أفضل قصيدة كشــعار تحت الإسم في المنتدى ...

ونشر القصيدة في يوم الخميس ما بعد القادم في جريدة البلاد ...

أعتقد التاريخ يوافق 7 شهر 2

والرجاء من الأخ نياف مراسلتي على الخاص للتفاهم في ذلك ...

والشكر للجميع ...

وإلى اللقاء في مسابقة أخرى



تحيااااااااااااااتي

[دريد ابن الصمة]

الف مليون مبروك لشاعرنا نياف العتيبي ... من دون قصور في الشعراء الباقين ...

قصيدة تستحق فعلا المركز الاول ....

والف تحية شكر وتقدير لك يا وصل العطياني ....

تحياتي

[مرزوق حمدان العتيبي]

..
.......

الف الف مبروك للا خ نيّاف العتيبي
قصيده جديره بالفوز.. كما اتفق على ذلك الجميع ..
وحظ اوفر للشعراءنا المميزين وصراحه كلهم مبدعين
وتمنينا لو اعطينا كل واحد المركز الاول والوسام
ولكن هذي هي شروط المسابقه
وهو اختيار واحد فقط ... تحياتي لكم جميعا على تفاعلكم ومشاركاتكم..
والف شكر للاخ ابو مشهور على مجهوده..
اخوكم

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[سلطان النفيعي]

تستاهل الناموس يااخوي يانياف

[راعي الحيلا]

الف مبروك للاخ نياف العتيبي

ولمزيد من التقدم انشاءالله

اخوك ابولهب الشيباني

[أبو الوليد]

ألف مبروك
للأخ
الشاعــر نياف العتيبي

على فوز قصيدته الرائعة

ويستاهل

والشكر الخاص لأبي مشهور

والقائمين على هذه المسابقة

والهدف هو المشاركة والمساهمة

والتعارف مع اخواننا في المنتدى

تحياتي للجميع

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ

[الملك المنصور]

مـــــــــــــبرووووووووووووووووووووووك
ووووووووووووتستاهل

[مهنا الدلبحي]

مبرووك يا نياف كاس البطوله=تستاهل أوسام الرياده يا نياف

مبروك وتستاهل ولاهو قصور في اخواني المشاركين والروح الطيبه
موجوده

أخوك / مهنا الدلبحي

[الوليد الاسعدي]

يستاهل نياف العتيبي ولا هو قصور بالباقين ....الف ميروك للشاعر نياف ومبروك للهيلا وبالاخص الشعار وصل العطياني ومرزوق العتيبي على هذا الانجاز والتنسيق الرائع .

التوقيع

و أنا عتيبي من سلالة هـوازن *** ربعي عوايدها الفخر من جدودها ما نوشي الفتنه ولا نحرث الردى *** ولا نهاب اليا تسامت وقودها ان ميل الميزان من قوم يمنا *** صبرنا لها لوكان كبرت لهودها وان ميل الميزان منا على العدا *** نروي من السم السقطري كبودها