قصيدة في أبل فنجال الشيباني

[سلطان طلحة]

انا شف بالي فاول الوقت ولا اتلاه=مغاتير ذود نادر اللي لها يقنون
ثمانين منقيه على الكيف و منقاه=مثامينها من خمس ميه ليا مليون
طوال الرقاب من اللحم جرد ماتلقاه= خلقها الله اللي منجن من البحر ذا النون
عراض النحور ليا اقبلت تلفت الانتباه=بزين الوجيه وبالغوارب وزين اللون
وخشمن يشابه سيف قرماً رفع يمناه=ليا اصغت ولدت فيك تعجبك بالعرنون
عليها سناماً منفهق جل من سواه=تقول انه مركب وبالصانتي موزون
صغاراً مواطيها لها شكل ماشاء الله=طوال الخطي هزعن عراقيبها بالهون
تميز بقصر الذيل ما ينوخذ حلياه=وراس وسبالن مايله كنها العرجون
من الزين معطيها كفاية عزيز الجاه=ليا عرضت تذهل عقول وتهيل عيون
وهبها جليل الملك وصفاً قليل حلاه=هل الصنف واهل العرف عن وصفها يزون
قليلاً حلاها مع هل البوش ماتقناه=ليا شافها الحاسد تزيده قهر وغبون
تعب لجلبها فنجال راع الوجه والجاه=كريم السبال اللي عليه العرب يثنون
معه وحداتن كلها طقم ومصفاه=ليا جا المزاين رقم واحد لها مضمون
مواليف للراعي ليا شافته تنصاه=تحبه وهو في حبها دائماً مفتون
ليا صاح فيها كل ما قدمها تاطاه=خطيرن على الحيران من دقها يوطون
ما باقي لها يكود تنطق بكلمة هاه=جذبها المنادي واقبلت كن فيها جنون
ليا شافت القعده مشى هي مشت ممشاه=تقول ان فيه لها سحر من سحر هارون
ولن بركه راعيه بعيونها ترعاه=تروح وتجبله راجعه كنه المرهون
هذا شف بالي في حياتي وهذا مناه=ليا روحت مع خايعن به نفل وفنون
شعيبن مربع قفر راع الغنم ماجاه=بناته جديد ومختلط كل شكل ولون
نواوير نواره وحواه وخزاماه=تسر العيون وينشرح خاطر المحزون
من بداية الامطار ماجاه راع الشاه=يكود الطيور الحايمه تحت سطح الكون
هذا غاية المطلب وهذا الذي نبغاه=وباقي الدعاوي عندنا كلبوها تهون
ليا لاح براق الحيا جل من نشاه=وقامت من المنشا مزونن تسوق مزون
يزين التمشي عندها والعمل ننساه=نسيم الهبايب عندي افضل من الفريون
هذا والله اللي خاطري دائماً يهواه=ربيع الفواد وبهجت الصدر لو يكون
وابختم بيوت الشعر مني بذكر الله=وصلاتن من المولى على المصطفى المأمون

مخلد بن هليل بن عويزب العازمي العتيبي

[محمد العتيبي]

صح الله لسااانه ..



ولاهنت يالغاالي على النقل الرائع ..



تحيتي لك
..

التوقيع

للتواصل عبر twitter تويتر al_bargawy@

[سلطان طلحة]

المشاركة الأصلية كتبت بواسطة محمد العتيبي

صح الله لسااانه ..



ولاهنت يالغاالي على النقل الرائع ..



تحيتي لك
..

محمد العتيبي

صح بدنك

شكرا لك

ع حضورك

شرفت

[سلطان طلحة]

.
.
.
تحديث
.
.
.

[وصل الشهيب]

سلطان طلحه

مشكور على النقل

وصح لسان العازمي

وفنجال يستاهل ابو سلطان

بيض وجوهنا كلنا في أم رقيبه

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[سلطان طلحة]

المشاركة الأصلية كتبت بواسطة وصل الشهيب

سلطان طلحه

مشكور على النقل

وصح لسان العازمي

وفنجال يستاهل ابو سلطان

بيض وجوهنا كلنا في أم رقيبه

تحياتي

صح الله لسانك

شكرا لك

ع حضورك

شرفت