هاض الخفوق ولاعبته التفاكير

[خالد بن ذياب]

هاض الخفوق ولاعبته التفاكير=والضيق جاله في عيوني علامه
واخذت لي عن عوج الافكار تعبير=وغنيتها للي يريد الفهامه
وين انت ياللي تأخذ الشور وتشير=من غيبتك والليل يوحش ظلامه
غبت وجفيت وجيت حييت ياامير=ياللي مخاويني بطيب وكرامه
حييت ياوجه السعد والتباشير=والمحترم يفرض علي احترامه
اقلط على هيبة معزه وتقدير=واخذ الكلام وهات كرت استلامه
البارحه والليل فالثلث الاخير=جفني حصل له مايكدر منامه
يشوف فالعالم دروس وتعابير=اقسام بين الميل والاستقامه
بعض العرب وصفه مثل سالم الزير=اللي حمت ربعه ذخيرة حزامه
منصى رفيقه فالرخا والمعاسير=حاز المراجل واعتلا كل هامه
لاحدك اللازم حضر دون تأخير=واليا حضر شرف حضوره مقامه
يفزع ليا صكت صدوف المقادير=لاحدت الطيب وجيه الرخامه
وبعض العرب وصفه مثل نافخ الكير=ياسرع ماطرى لك الانهزامه
رفقته ذله وانهزامه وتقصير=واليا انتهى زام الشرف جاك زامه
يشعب ركابه للردى والخوابير=وعن فزعتك عيت تشيله عظامه
مزورن طيبه مع الناس تزوير=ويقدره من يستمع في كلامه
واليا بدا اللازم بضد الطوابير=يدس راسه مثل راس النعامه
حطيت لي نبذه ومعنى وتصوير=والدرب بين والسلام السلامه
من يستمع ويفسر القاف تفسير=يلقى بالاحرف كل طيب وشهامه
وختامها ياللي بيدك المقادير=يالله عفوك قبل يوم القيامه

خالد بن ذياب