شرفني اخي الشاعر الكبير/خالد بن حميد الذيابي بهذه القصيدة
إليكم الصوت والصدى
الصوت /لخالد الذيابي
الله وأكبر هتلر الالماني = سوا البطيط اللى أنذكر من غيضه
والشرع وش حكمه لاصاد الزاني = والوقت برده يطحن مع قيضه
الفتل إله مغزا وفتل الباني = قد يتعب الفًتيله النقيضه
عيضه يقول الشعر بالمجانى = والله يخلف اللى مضي ياعيضه
عشرين عام بداخل الميداني = وشفيك تلعب بالحجر والبيضه
المشكله من ازمة الاسكاني = راحت نصيب الراجحي وعويضه
البدو مقصدها بصح لساني = وعيونها ما تهتنى تغميضه
ماليه البدوان للحيواني = شوف المهيلب كم دفع بمغيضه
وسعر الغلا حول علي الطلياني = وكلن على ليلي يغني هيضه
على الشعير تصيح البدواني = وأن عرضت ياشينها تعريضه
إيصيف البطران في لبناني = وإيصيف الفقران وسط الفيضه
الصدى /لـ عيضه الثبيتي
ياهاجسي خلّك معي عجلاني=العلم عاجل مايبي له ريضه!!
والسرج سرجي والحصان حصاني=واللّي تعصوا في يدي ترويضه!!
يامهندس المشروع والقيفاني=صحّ الله لسانك وهيضه فيضه!!
نظمت عقد اللؤل والمرجاني=وصورة فلمًا مايبي تحميضه!!
وأنا كفاني فالزمن ماجاني=والحمل جاير والحياه غليظه!!
بالمختصر هذا الزمن عنّاني=والروح فاضت ثم جات مفيضه!!
أعطيت وقتي صبري ولا أعطاني=ألاّ غبارًا ياصعب تنفيضه!!
والله يعافيني ولا يبلاني=وأصير مثل العالم الحظَّيظه!!
ماعاد فالدنيا حقوق إنساني=وعواض مايعرف حقوق معيضه!!
والمغتني حوّل على الفقراني=والبرق مبطي ما لمحنا نيضه!!
وتبى الصحيح اسم الله الرحماني=هذا الصحيح اللّي يقوله عيضه!!
ا
خ
و
ك
م
عيضه الثبيتي
« آخـــر الـــمـــشـــاركــــات »
23-Nov-2010, 10:08 PM
صوت وصدى(خالد الذيابي)(عيضه الثبيتي)
العرض العادي
