.. لجميــــــــــــــــــع الشعراء الرجاء الدخووول .. هنا ..

[السميــــــري]

مساكم الله بالخير جميعاا ..

رواد وشعراء هذا الصرح الشامخ ..
وردة لي هذه الفكرة بما ان في هذا المنتدى.. شعراء متمكنين .. لهم مكانتهم الشعرية ..
في داخل الساحة وخارجها ..

أن أطرح لكم أبيات الشاعر الكبير والمدرسة الشعرية ..
رشيـــــــــــد الـــــزلامـــــي ..

الذي أبدى أن تجارا أبياته في معناها وقوتها .. بثلاث أبيات أخرى .
على نفس العروض والقافية ..
طبعا أحبتي .. من يجاري رشيد الزلامي !!

ألا اننا نريد أن نخرج كل طاقاتنا من أبداعنا الشعري ..
إليكم هذه الأبيات ..

ياصاحبي درب العلا صعب بالحيل = دونه مسافة جرهديه وجرداء
وقدمك لعكفان الشوارب مداهيل = قطّاعة الفرجه على كل سرداء
وان كان ماتقدر دروب الرياجيل = عوّد وتلقى واحدٍ منك وأردا

أتمنى المشاركة من كل شعراء المنتدى ..

أخوكم ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[غازي غالب]

تسلم تسلم يالسميري على الفكره الجميله والغير تقليديه ...

بيض الله وجهك ...

وكلنا نبي نشارك لو ان رشيد صعب احد يجاري ابياته لكن نبي نبذل المجهود ولكل مجتهد نصيب .. لاهنت طال عمرك ..


تحيااااااااتي

التوقيع

انته مزاجك خواً بالراس = وانا مزاجي يبا الهمجه

[السميــــــري]

هذه أول مشاركة من عندي ..

أتمنى ان تنال على بعض أستحسانكم ..

أن كان ماتعرفك صفر المعاميل!! = ولا تذبح اليا هب من شام بردا
أرقد ترى مالك همومٍ مقابيل = أيضاً ولا لك عالي المجد وردا
خله لذربين اليمانَ المشاكيل = ولّا الردي يعتاش ويموت فردا

[مخلف الهقاوي]

اخوي السميري..بيّض الله وجهك على حرصك وافكارك..

طبعا رشيد الزلامي قمّه من قمم الشعر وصعب مجاراة

ابياته..لكن الفكره كما وضحت انت محاولة اخراج الطاقات

الشعريه والوصول الى اعلى مستويات الابداع..الله يقوي

الجميع ويكتب لهم التوفيق..

آخر تعديل مخلف الهقاوي يوم 16-Jun-2007 في 05:35 PM.

[مخلف الهقاوي]

المشاركة الأصلية كتبت بواسطة السميــــــري

هذه أول مشاركة من عندي ..

أتمنى ان تنال على بعض أستحسانكم ..

أن كان ماتعرفك صفر المعاميل!! = ولا تذبح اليا هب من شام بردا
أرقد ترى مالك همومٍ مقابيل = أيضاً ولا لك عالي المجد وردا
خله لذربين اليمانَ المشاكيل = ولّا الردي يعتاش ويموت فردا

الله .. الله

اخوي السميري ..مبدع بمعنى الكلمه..تركيب رااائع للابيات ومعاني جزله..

الحقيقه الثلاث ابيات قمّه في الروعه لكن اكثر مااعجبني فيها تركيب البيت الثالث

ابدعت اخوي بيّض الله وجهك.. وصح لساااانك حتى ترضى

[مرزوق حمدان العتيبي]

...
.
بيض الله وجهك يامشرفنا الرائع..
..
.
وبحول الله سوف نحاول
ولو اني كنت افضل ان تكون المشاركات
تبعث للمشرف على الخاص ثم تنشر مره واحده ...
لانه هنا راح تنتهي القافيه ... والواحد وده يبدع
من غير مايشوف مشاركة غيره..
وش رايكم؟

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[البدر2006]

السميري
بيض الله وجهك ومشكور
ولك فائق التقدير

رغم اني في بداياتي الشعريه الا انني يجب ان اشارك اخوالي في منتداهم بما يليق بسمعة عتيبه


تفضلوا والعذر والسموحه على القصور

لا تحسب ان الوقت كله تساهيل=احيان ينبت شوك واحيان وردا
خلك على درب الرجال الحلاحيل=والصيف حر ولا يجي فيه بردا
لو صبت الدله بغير الفناجيل=ماجا رجال الكيف للكيف وردا

آخر تعديل سلطان البقمي يوم 16-Jun-2007 في 06:19 PM.

[عمرالروقي]

فكره طيبه يالسميري
وجميله جدا 000000
وانتظر المشاركه 00
0
0
0
واقتراح الاخ مررزوق
اقتراح جميل وهو الافضل
(((ولو اني كنت افضل ان تكون المشاركات
تبعث للمشرف على الخاص ثم تنشر مره واحده ...
لانه هنا راح تنتهي القافيه ... والواحد وده يبدع
من غير مايشوف مشاركة غيره..
وش رايكم؟ ))

[السميــــــري]

.. الأخ الكريم قبلان ..
مرورك يعني الكثير ... يالغالي ..
ولا تنجح هذه الفكرة الا بإبداعكم يااحبتي ..