يا مرحبا عن رجال المنتدى

[ابراهيم الجـــــذع]

السلام عليكم ورحمة الله وبركاته




مساكم الله بالخير جميعاً

الليله الليله نباها مواويل=حتى نميز شاربين الفناجيل
وحنا رجالاً نتعب الجيش والخيل=سته على سته نظر سالم العين
يا مرحبا عن رجال المنتدى=بأعضاء والا ضيوفٍ زايره
والشاعر اللي يجاوب لندى=لابد اله حجز فوق الطايره

التوقيع

الذم ما يهفي للأجواد ميزان=والمدح ما طول قصار الأيادي

[تركي الصفياني]

الله الله
صح السانك يالجذع

بانتظار من يحاورك

[ابراهيم الجـــــذع]

صح بدنك يا الغالي

شرفنا مرورك

[عبد الكريم العازمي]

الله الله


صح اللسانك

وأهل الوسمه صعب موأجهم<وده يرد بس مشغول


ننتظر قبيلك وصح اللسانه مقدماً

[علاي الحافي]

صح السانك

متابع

وفي اتظر قبيلك

[عناد الشيباني]

الله الله
استلم..

جر المواويل الجزيله يابن روق=ونظرتك دايم يالجذع خلها فوق
ولابد يطلع فيه سابق ومسبوق=سته على سته نظر سالم العين
الك البقا عد ماقطر ندى=اقولها والدواير دايره
اكرب حزام على طول المدى=ونيتك ياجعل ماهي بايره

[علي الثبيتي]

وعليكم السلام ورحمة الله وبركاته




ومساكم الله بالخير


العذر والسموحه يالربع ماشفت رد عناد

التوقيع

ماني بلا روقي ولا برقاوي = انا ثبيتي جد روق وبرقا

آخر تعديل علي الثبيتي يوم 28-Oct-2010 في 12:57 AM.

[عناد الشيباني]

المشاركة الأصلية كتبت بواسطة علي الثبيتي

وعليكم السلام ورحمة الله وبركاته




ومساكم الله بالخير


العذر والسموحه يالربع ماشفت رد عناد

معذووور ولو اني داري انك تترد
مارديت

يالنشمي

[خالد عواض الذيابي]

ابراهيم الجذع //وعلي الثبيتي//وعناد الشيباني

صحت الالسن والقلوب صحاح


والعذر والسمحوحه

مادريت عن الردود


تقبلو مروري لاهنتو

تحيااااااااااااااااتي

[ابراهيم الجـــــذع]

مدام أبن مشيب تراخت سموعه=لابد ما يسقي خدوده دموعه
لكن لا يطفي بعدها شموعه=سته على سته نظر سالم العين
أن كان عديت في ضلع الهدى=مثلك يشيل الحمول الجايره
اليوم بالطيب والا بالردى=لو أن دمعت عيونك حايره