كثرت فوقي يـا صغيـر بالأمـزاح&وقضيت وقتي معك كلـه مزاحـي

[الجزل]

السلام عليكم و رحمة الله و بركاته ..

كيف حاالكم اعضاء و مشرفين منتدانا الغاالي ..

اقدم لكـم

قصيدة غزليه

لـ الشااعر / منيف لفيان العازمي

يامل قلبن شاف الأحباب ثم صاح=شاف الجميل و عند ما شاف صاحي
شاف الذي خده مثل بارقن لاح=برق الحياء اللي وسط الأظلام لاحي
من شوفهم قلبي خطيرن بالأجراح=اهمه هوا بالي و طب الجراحي
ابو نهيدن مطلعه مثل تفاح=والعود يلعبه نسيم الصباحي
زينه طبيعي ما تزايد با الأصلاح=ولا قرب المكياج عنده صلاحي
امودبن ما هو يكثر با الأشراح=و الحب ما يحتاج زود انشراحي
قالوا تريح قلت ماني بمرتاح=ومن شافكم ماهوب وي المراحي
كثرت فوقي يا صغير بالأمزاح=وقضيت وقتي معك كله مزاحي
وصبرت لين الصبر من خاطري باح=جميع ما فيه من الصبر باحي
بس ارحمو قلبن على حبكم طاح=قلبن لعبتو به سوات السباحي
قلبن يحبك حب يا ريم الأفلاح=يا عنق ريم مع حزيمن براحي
أنا اشهد أن الحب له ذوق و أرباح=و ما قابلك لو صدفتن لي رباحي