ياحلـو منطوقـه وياخـفّ دمــه

[واثـــق]

الشاعر الكبير/خلف بن هذال

ياحلـو منطوقـه وياخـفّ دمــه =ويـدق مثناتـه ويازيـن عــوده
انشد عن أمه أن كان تبغى تضمـه =خلي من الناس الشريفـه جـدوده
متسلسل ن من راس خاله وعمـه= بيت الأصل منساب طنبه عموده
خلي معه ميز ومروفه وذمـه =من صغرته ماحد ن درا عن سدوده
خلي قصير البيـت مـا راح يمـه = ولاطالعن بيض العـذارى خـدوده
ماقص من راسـه ولا أقـص كمـه =ولاحـط شيـال النهـود بنـهـوده
لا أشيل له نمـه ولا شـال نمـه =تقصر يدين طايلـه عـن حـدوده
عزي لقلب سمه الحـب سمـه = سم السجين اللـي تجـدد قيـوده
على الذي يجلي عن القلـب همـه=واسعد دارأ ريف قلبى يروده
الجرح لو يعرض على كـل الامـه =محدن عرف نقص المولـع وزوده
نقصي وزودي حين أشوفه و اشمه =اشـم ريحانـه وأقـطـف وروده
كل البنات معلقات الازمه=ماهيضني باقـي فـي عهـوده
اقطع على عهـده بحـور مطمـه = والعيـن لـذات الكـرى ماتعـوده
النـوم تخطيـه العيـون وتخمـه= كل النجوم الساريه مـن شهـوده
قلبي كمـا حذفـة مـدق بجمـه = من كثرة مايصقع تقـادح زنـوده
أثر المولع ماش عقـل يضمـه =روحه على بيـر الخطايـا تـزوده
لعـل ربـي كـل شمـل يلمـه =تلفي من الـدار البعيـده وفـوده
الحول مقـرون الحجاجيـن تمـه =والخط لـو يقـراه يصعـب ردوده

آخر تعديل واثـــق يوم 15-Jan-2010 في 10:15 PM.

[خلف الروقي]

صح لسانك ولسانه


يعطيك العافية

[علي الشهراني]

الله الله


مشكووور و لا هنت

[الامير حريبيش]

الله علي الشعر العتيبي الاصيل
صح لسان ابو هذال ولاهنت ياكاتب الموضوع

[البريماني]

صح الله اللسان ابو هذال

قصيده في قمة الروعه

وجزله بكل ماتعنية الكلمه وغزليه بالدرجه الأولى

[ابجاد]

الاخ واثق يعطيك العافيه ولا هنت على النقل الرائع لخلف بن هذال

[واثـــق]

شكـــــر لكم

[أبونواف]

صح لسان أبو هذال
ولاهنت على نقل القصيده ..

[بعيدالهقاوي1]

وين اجدها بالصوت الله يبارك فيه من يتجمل ويضعها

[فهد العازمي العتيبي]

صح لسانه

الشاعر الكبير شاعر الوطن وعلم الشعر في القرون الحاليه

خلف بن هذال العتيبي ...

التوقيع

للتواصل على تويتر https://twitter.com/falotaibi5115 ،،