وجدي على ابواب الغـلا لا طرقها

[منير رحيل الشراري]

بيني وبينه بالهوى صدق ميثاق=كلمة غـلا باللسان قلبه نطقها
نبقى على درب الوفا صدق عشاق=لاقيس لا عبله ولا اللي عشقها
مانعرف الدمعه ولا نطري افراق=الا غلا دمعـه غرامه دفقـها
تشتاق لي وانا لهـا حيل مشتاق=وجدي على ابواب الغـلا لا طرقها
اجي لها كلي من الشوق منساق=لجل العيون اللي غرامي حرقها
انشهد ان غيره من النـاس مالاق=كل العـذارى في جماله فهقها
ذاك الجمـال اللي للنظـار سراق=سبحان ربي عن سواها فرقها
من دونها عامين يابسات الارياق=حكم القدر من دون شوفي سرقها
وقفت مع اللي ماعرف شوق الاعناق=ولامرته في حلم ليل ولحقها
مشرف على روس النوابي ولا ضاق=يمناه باليسرى نـدم ماصفقـها
من دونها شفـه تسهـل ولا عاق=ونفسه على درب الشقى ماوهقها
منساه لو موتي للبواب طقاق=أعيش ذكرى جنتـه مـع غدقها
ومضمونها نبقى على الدرب عشاق=لاقيس لا عبله ولا اللي عشقها

[خلف المطيري]

الله الله

صح السانك

قاف محترم ويدل علي قوة شاعره

عندي سؤال

انت اللي منطقة طربجل ولا انا غلطان

[منير رحيل الشراري]

خلف حياك الله وصلت على خير الله الله انا اللي في منطقة طبرجل

ولك الشكر على مرورك الراقي

لاهنت

أحترامي

[خلف المطيري]

المشاركة الأصلية كتبت بواسطة منير رحيل الشراري

خلف حياك الله وصلت على خير الله الله انا اللي في منطقة طبرجل

ولك الشكر على مرورك الراقي

لاهنت

أحترامي

كفو كفو

لابالله شاعر جزل

انا طال عمرك التقيت وياك في حفل زفاف

للشرارات كنت معزوم ويا فيصل بن ابراهم ابن مطني الشراري من هل الكويت

والقيت قصايد فالحفل وسمعت قصايد لك شاعر جزل

عمار ياطربجل بلد خير وزراعه

[منير رحيل الشراري]

خلف كفوك الطيب طال عمرك

ولاهنت وحياك الله

ولك الشكر والتقدير على مرورك الراقي


أحترامي لــك