ناس ياتركي ترى أشكـال ونـواع

[منير رحيل الشراري]

الشاعر منير رحيل الشراري

الناس ياتركي ترى أشكـال ونـواع=البـس واحـد والنوايـا معاكيـس
أحد(ن) على الطيبه تحده الاطبـاع=يجود لوهـو عايشـن بالمفاليـس
وحد(ن) على ماله بخيلن وطمـاع=أكبر همومه جمعة القرش بالكيـس
وحد(ن) يجي ويروح للسو مطـواع=بين القرايب دنس الهـرج تدنيـس
تلقـاه دايـم لدنافيـس سـمـاع=باين بزوله بين وسـع المجاليـس
يزيف السوه مـع الفعـل صنـاع=والهيس يبقى ياعضيدي ولد هيـس
وحد(ن) على فعل النواميس فـزاع=يذكر مع اللي كاسبيـن النواميـس
لجل الرفاقه غالـي العمـر بيـاع=في ساعت(ن) تلحق رفيقه هواجيس
بضيق حاضـر للصعيبـات سنـاع=لامد لـك مـده تفـوق المقاييـس
سويت لك وصفه وانا اعد بصبـاع=مني نصيحه وادرس الهرج تدريس

[سـعـد الـعـازمـي]

شكرا على هذا الموضوع الطيب

[أبو مرحبا]

صح السانك يالشراري

بنتظار جديدك

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[منير رحيل الشراري]

يعطيكم العافيه على المرور لاهنتو

ودمتم بخير

تقديري

[علاي الحافي]

حياك الله بين اخوانك


وساهلا فيك

نتطلع لجديدك