هاضت هجوسي اول مشاركة لي بمنتدى قبيلة الهيلا

[ابو عبدالله الصواط]

=وسلام مني للعيون اللي تغشاها السهر
=واسلي الخاطر عسى ينسى همومه والقهر
=والماضيات من السنين اشوفها مثل الشهر
=وين انت ياللي تتعظ وين انت يالعقل الرشيد
=لاخير في رجلٍ ليا جار الزمان اصبح يزيد
=ولا خير في ربعٍ يذمون القريب والبعيد
=والصاحب اللي صحبتة وقت الرخاءدرٍٍ فريد
=مالي بكل اللي سبق مصلوح والا بأستفيد
=ياللي تبي تحيا حياة العز خذ رايٍ سديد
=وعليك برجالٍ يفكون النشب من كل حيد
=وعليك باللي لا حداك الوقت والعلم الشديد
=وعليك باللي يحسنون الظن في (زيد ويزيد)
=والسالفة لن طولت صارت مثل كير الحديد
=وسلام ياربعٍ غلاكم بالحشا دايم جديد
=يعجز لساني من فعايلكم يوفيكم شكر
=الله يجمعني بكم في رحمته يوم الحشر

آخر تعديل ابو عبدالله الصواط يوم 27-Aug-2010 في 03:19 AM.