مصافحه أولى

[رائد العالي]

بسم الله الرحمن الرحيم



السلام عليكم ورحمة الله وبركاته


يسعدني أن اكون أحد أعضاء هذا المنتدى العزيز


هذا جديدي في شعر النظم أتمنى أن تحوز القصيده على رضاكم



بإختصار أترك للقارئ والمستمع تفسير وتأويل القصيده بما يراه.





وهي متوفره أيضا شيله صوتيه

الغياب المر قتّال الحضور=والحضور العذب قتّال الغياب
الحضور العذب ناتج عن سرور=والغياب المر ناتج عن عذاب
بين ذيك وذيك يختال الشعور=يقتل الاحلام في عمر الشباب
هكذا الأيام والدنيا تدور=نطرد الاحلام والواقع سراب
بين غابات الذيابه والنمور=مايعيش الا النموره والذياب
ليش حنى مانبادر بالظهور=ونتقدم للمعالي مانهاب
دام مكنون الطموح يشع نور=ليش حنى ندفنه تحت التراب!
والله ان الصبر في بعض الامور=يثني الإنسان عن حث الركاب
يازمن نبغى لنا رخضة عبور= تنهي الحيره وتفتح كل باب
للفضا للأرض حتى للبحور=للسؤال اللي غدى ماله جواب
آه ياكثر المصايب والكسور=تنتقل بين المشاعر والرقاب
مايخبي جرحها غير القبور=لين تطوى كل صفحات الكتاب
هكذا وتروح ياغيض الصدور=لا جدال ولا عناد ولا عتاب
مختصرها واقع الوقت الدبور= مايسامح من رضي بالإنسحاب
والحياه اللي تكون بدون دور=تبتدي وتروح مرواح الضباب
والحياه بفعل تبقى للعصور=مثل ماتبقى على الأرض الهضاب
في حظور الفكر وغياب الغرور=نطلق الهمه وتوصل للسحاب
واللبيب اليا تمعن في السطور=يعرف الحكمه ومضمون الخطاب

وسلامتكم

[مرزوق حمدان العتيبي]

.

..
اولاً مرحبابكــ يارائد
ثانياً صح لسانك على قصيدتك الجميله..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ولدعساف]

صح لسانك مليون .. قصيده جزله يابن عالي

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[بجاد ابوديه]

آه يــاكـــثـــر الــمــصــايــب والـــكـــســـور
تـنـتــقــل بـــيـــن الـمـشــاعــر والـــرقــــاب

/

قصيده جزله , ومعآنيها رائعه جدآ ,

لاهنت اخوي / وصح لسآنك

[رائد العالي]

مرزوق اولا:الله يبقيك

ثانياً صح بدنك واشكرك على التواجد

[رائد العالي]

صح بدنك يابن عساف

والله يجملنا

[رائد العالي]

بجاد اهم شي انها حازت على رضاكم

ياهلا بك وصح بدنك

[محمد مذكر المغيبي]

رائد العالي

صح لسانك بلاعدد

قصيدة جميلة تستحق الاهتمام والحفظ

والسوال اللي غدى مالة جواب

الله يوصلك مرادك يارائد

تقبل تحيات مغليك

[عيضه الثبيتي]

صح لسانك


وسام فكرك



قصيدة رائعه



تقديري

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131