مساكم الله بالخير جميعاً

[ابراهيم الجـــــذع]

السلام عليكم ورحمة الله وبركاته







مساكم الله بالخير جميعاً

سرا الليل في درب المعرفه نقز نقز=على شان من هو للمشاكل نقز نقز
ومن قزنا بالعين قمنا نقز نقز=يقولون مال الأوله غير راعيها
أول الليل والشاعر يقوم=والسما خابرين انجومها
غيرها ما لنا فيها لزوم=العرب نفثت بكمومها

[فايـز العتيبي]

ايه ايه شب عليهم..


وين هالحركات من زمان


صح لسانك يابو نايف

[ابراهيم الجـــــذع]

هلا وغلا أخوي فايز

صح بدنك يا الغالي

وازهلهم ههههههه

[ابراهيم الجـــــذع]

أنا متواجد الآن

[بدر العضياني]

سمعنا نداك وقالو انك جذع جذع=وعرفنا نخلكم كلبوها جذع جذع
ولا تعترض للهرش وانته جذع جذع=يقولون مال الاوله غير راعيها

انتبه لا تضيّع فالسلوم=والعرب ماجهلت سلومها
لا تغرك جديدات الهدوم=مار طب البحور وعومها

[اصمعي عتيبه]

مشاءالله عليك يالبارودي عزالله انك شاعر محنك
وردك محبوك كفو يالبارودي
صح لسانك

[بدر العضياني]

صح بدنك يالاصمعي

وصحح معلوماتك البواردي وليس البارودي

وشكرا

[اصمعي عتيبه]

البواردي والله اني كاتبها غلط ونعم فيك
استمر انا في صفك
كفو وبيض الله وجهك شاعر جزل

[ابراهيم الجـــــذع]

أنا ما اعرفك بالنك لكن بشر بشر=ومن هازنا بالشر يسري بشر بشر
نبا نبشره مثل البطاطه بشر بشر=يقولون مال الأوله غير راعيها

يا ولد لن حصل زرق السهوم=لا تعرض لرمي اسهومها
لو منته نجم بين النجوم=الشياطين شفت ارجومها

[بدر العضياني]

ما عليك زود ووجهك ابيض

والصف يزهابك

حياك الله