بسم الله الرحمن الرحيم
السلام عليكم ورحمة الله وبركاته
حبيت انزل هاذه القصيده
في هاذا الصرح الشامخ
وهاذه القصيده القيتها علي المقدم والمذيع الدكتور فلاح الشريكه في برنامج لوحات شعبيه
حيث اني كنت ضيف الاسبوع في لقاء خاص وهاذه القصيده كانت ضمن مجموعة قصايد القيتها باللقاء الخاص ولكن اصر علي الدكتور اني ما ابدا اللقاء إلا بهاذه القصيده
وارجو ان تحوز علي اعجابكم
بسم الاله اللي رفع شان بلقيس=في محكم التنزيل ما جا مثيله
هليت قاف ن مايجي فيه تدليس=هاذي نصيحه والمعاني جليله
النفس اماره علي الشر ....وابليس=إعروق إبن ادم سكن يرعويله
والقاف سهرني وحبره هواجيس=والليل الاسود حالف انقض جديله
لا بارك الله بالوجيه المفاليس=هاذا شبيه ابليس ولا عميله
بعض البشر والناس من دون احاسيس=اهل الفلس واهل القلوب العليله
ارسل عليه ابليس حبل الوساويس=واصبح مع الشيطان داعي رذيله
اهل الرذيله والمعاصي متاعيس=وحسابهم في يوم كشف الفشيله
ياعارف المعني تخير مجاليس=كلن علي دين الجليس وخليله
اوصيك بالطيب وخل المناحيس=راعي خصايل والهروج الجزيله
وجهه يشع النور مثل الفوانيس=راعي جمايل والفعايل جميله
طيب الفعايل للرجوله مقاييس=والعاقل الفهمان دينه دليله
والخاتمه عد الهبوب النسانيس=واعداد ماتمطر سحاب المخيله
واعداد ماخط القلم بالقراطيس=علي نبي الحق راع الفضيله
آخر تعديل اصمعي عتيبه يوم 05-Aug-2010 في 10:01 AM.