بين العتيبي والمطيري تعآجيب ..!

[شامان]

عربون محبة ووفاء من الشاعر/ فهّاد بن عايض بن عمير الميموني المطيري ..
بمناسبة تسمية ابن اخيه (فيحان بن فهد بن عمير الميموني)

على الأمير / فيحان بن ناصر بن جعيلان الحآفي .. وقد اهداهـ هذهـ القصيدهـ ..

يامرحبا ترحيبةٍ ريحها طيب=واحلى من السكر لذيذٍ طعمها
الله يحيي ربعنا والأصاحيب=وكل الحضور ضيوفنا وانخدمها
ليلة فرح فيها نزيد التراحيب=حيّ الرجال بحلّة اللي عزمها
فهد ولد مرزوق راع المواجيب=رجله على الطولات يتعب قدمها
معصبٍ راسه على الطيب تعصيب=يتبع دروب المرجلة واغتنمها
ولا شحّ بالدينار والقرش بالجيب=ونفسه تحبّ اهل الكرم من كرمها
واكبر دليل بموقف النبل والطيب=بين الرجال اللي رفيعه اشيمها
بين العتيبي والمطيري تعاجيب="سمّى الولد فيحان والله قسمها"
سمى على (فيحان) حرّ المراقيب=فيحان من قومٍ قويه اهممها
فيحان من رؤؤس الرماه المعاطيب=عتبان يوم الحرب حامي وحمها
قدام لا تصفي بنجد المشاريب=والرؤوس ضرما والمعارك ضرمها
يشهد لهم بفعولهم جايع الذيب=كم سابقٍ خلّوه يفرس لحمها
يروون حد المرهفات المحاديب=وكلٍ شهد بفعولهم واعتلمها
أهل المهار ومتعبت شمّخ النيب=قطعانهم في نجد محدٍ دحمها
لطامة العايل عن الشك والريب=وذباحة الحايل وهذا سهمها
وفيحان ذكره شاع بين الاجانيب=وأغلا الجوايز باليدين استلمها
هدّاج تيما في ليال الملاهيب=يسقي الكبود اللي ظماها زحمها
هو فزعة اللي صك دونه لواليب=ومن دونه البيبان جوّد لجمها
ومن شان مخلد ماعتذر عنه بصعيب=مسك مفاتيح القفول وبرمها
وهانت على الطيّب اكبار المطاليب=اللي تعلا حصنها واقتحمها
يوم الردي يمناه تقصر عن الطيب=وعزي لمن نفسه تموت بوهمها
لا حاش طيب ولا تدرى عن العيب=واخير من طيلة حياته عدمها
والحر كسبه من طوال المخاليب=والبوم بوم ولاتنومس اغممها
وعفواً عن التقصير ياهل المواجيب=اهل العقول النيّره نحترمها
ولا كل من يرمي للاهداف بيصيب=ولا كل سباح البحور ايغشمها
وما قل دلّ وللمعاني تراكيب=واختامها بازكى صلاه انختمها
على النبي اعداد خط المكاتيب=اللي نصح كل العرب مع عجمها

[الشجيع]

صح لسان المطيري ، ويستاهل الشيخ / فيحان بن جعيلان اللي قيل فيه واكثر .

::

لاهنت يا شامان ، والله يعطيك العافية .

دمت بخير .

[رايد الهديبي]

صح لسان الشاعر /فهاد المطير ي

ويستاهل الشيخ /فيحان بن ناصر

ولاهنت يا شامان والله يعطيك الف عافيه ياذيب

وتقبل مروري

[أبونواف]

أهل المهار ومتعبت شمّـخ النيـب=قطعانهم فـي نجـد محـدٍ دحمهـا
لطامة العايل عـن الشـك والريـب=وذباحـة الحايـل وهـذا سهمـهـا

صح لسان الشاعر /فهاد المطير ي

ويستاهل الشيخ /فيحان بن ناصر

ولاهنت يا شامان والله يعطيك الف عافيه على النقل الرائع

[شامان]

المشاركة الأصلية كتبت بواسطة الشجيع

صح لسان المطيري ، ويستاهل الشيخ / فيحان بن جعيلان اللي قيل فيه واكثر .

::

لاهنت يا شامان ، والله يعطيك العافية .

دمت بخير .

الله يعافيك يالشجيع ..

شاكر لك مرورك الكريم ..

[شامان]

المشاركة الأصلية كتبت بواسطة رايـــــــد الهـــــديبي

صح لسان الشاعر /فهاد المطير ي

ويستاهل الشيخ /فيحان بن ناصر

ولاهنت يا شامان والله يعطيك الف عافيه ياذيب

وتقبل مروري

هلابكـ يا رايد ..

شرفني مرورك يالغالي ..


كل الود

[شامان]

المشاركة الأصلية كتبت بواسطة أبونواف

أهل المهار ومتعبت شمّـخ النيـب=قطعانهم فـي نجـد محـدٍ دحمهـا
لطامة العايل عـن الشـك والريـب=وذباحـة الحايـل وهـذا سهمـهـا

صح لسان الشاعر /فهاد المطير ي

ويستاهل الشيخ /فيحان بن ناصر

ولاهنت يا شامان والله يعطيك الف عافيه على النقل الرائع

الروعة مرورك يابو نواف ،،

وحضورك أسعدني كثيراً ..


دمت .

[زياد المزرمي]

صح لسان الشاعر /فهاد المطير ي

ويستاهل الشيخ /فيحان بن ناصر

ولاهنت يا شامان على ايراد القصيده

وبيض الله وجهك يالقرم

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

[شامان]

المشاركة الأصلية كتبت بواسطة زياد الشطيطي

صح لسان الشاعر /فهاد المطير ي

ويستاهل الشيخ /فيحان بن ناصر

ولاهنت يا شامان على ايراد القصيده

وبيض الله وجهك يالقرم

وجهكـ أبيض يا زياد ،،

ومروركـ على متصفحي ، شرف لي يالغالي ،،

[الصقر الذهبي@]

صح لسان الميموني


ويستاهل العميد فيحان بن جعيلان


شامان

لاهنت يالذيـــب