بديت بسم الله والحمدلله=ربٍ خلقنا يامحمد وكيلي
وليا بديت اوصل العلم للقصاه= وعزيمتي دايم على المستحيلي
وبيض الليالي ترفع القصر وبناه=ولاينفع المحتاج مد البخيلي
وسود الليالي تقطع الحبل ورشاه =جرفٍ هيال ولا تحب الجميلي
ومن طاح للرجلين كلٍ توطاه=والناس ماترحم ضعيف وهبيلي
ولا البشركلٍ يمدلك يمناه =لاصار يبغا من وراها حصيلي
الا رجالٍ حقهم ماضمناه=الي ليا جيته للحملك يشيلي
وانا على المقفي حبالي مطواه=وعندي على قولي ثبوت ودليلي
والناس احد محروم والثاني اعطاه=ولاني بغاصبها على ماتجيلي
والحمد للي تسجد الخلق للرضاه =مكيفٍ في وسط وادي النجيلي
في ضل ابو متعب عسا ماعدمناه= لاشبت الهيجا ونزع الفتيلي
للشاعر / جبر بن محمد بن ثعلي العتيبي
(منقوووول)