وشلون ابسلى ؟ .. مشاركة بعد الغياب

[الصميدع المقاطي]

السلام عليكم ورحم الله وبركاته


شلونكم اخواني الاعضاء

اليوم جاي لكم بمشاركة بسيطة ومتواضعه

وما شاركت الا للأستفاده من النقد والملاحظات لانني احتاج لها في بدايتي

القصيدة بعنوان وشلون ابسلى ..


بسم الله ..

انا وشلون ابسلى والخفوق معذبه مغليه=من اسباب البعد والهجر والتقصير كاويني
انا والله ما فزيت فزه غير لا طاريه=يحل بخاطري والشوق يمه ما يخليني
الا يا ناس من كثر الاسامي ويش ابا اسميه=حبيبي او حياتي او وليفي او نظر عيني
اسوق البيت تلو البيت تلو البيت لجل ارضيه=ولكن يوم اوصله كثير الخجل يطويني
اشوفه واجتنب عنه وقلبي ميتن يبغيه=احاول ابتعد لكن حبي له يوديني
احبه واعشقه واذوب انا لامن لمست ايديه=ولامنه قعد جنبي ترجح له موازيني
وكل كلمه يبديها اردد فالخفا لبيه=الا لبيه يا جرح المشاعر يا مشقيني
انا ما اظن في وسط الخلايق واحد يساويه=ولابه شخص من قبله على دربي معنيني
اخاف الحب يفضحني واحاول اني اخفيه=لان احدن من العذال في حبه يعاديني
عسى ربي من افراح الدهر والوقت ما يخليه=وعساني ما ابتعد عنه ولا انه يجافيني

وسلامتكم ننتظر ارائكم وانتقاداتكم اخواني

اطيب المنى ..

[خالد راشد الصواغ]

ياسلاااام علييك صح الله لسانك مـــدد يالقرم

[الصميدع المقاطي]

صح بدنك يالذيب ولاهنت على المرور

بنتظار باقي الاخوان ..

[عبدالله الفهد الاسعدي]

صح لسانك يابدر

والحمدلله على السلامه

[الصميدع المقاطي]

صح بدنك الله يطول عمرك

ولاهنت على المرور


يا اخوانا لا تحرومونا من مشاركاتكم وارائكم

[الصميدع المقاطي]

انتظر المزيد من الردود والملاحظات !! ..