قصه وقصيده تبينها قصيده

[شاعر الدرع العربي]

من نضرتك يامربي الغيد مصيوب
وخزت سهام رموشكم وسط صدري

مكتوب اشوف عيونك النجل مكتوب
عن التأخر ناوي آقول عذري

لاكن من شفتك تراجعت مغصوب
حسيت لك هيبه كذا هووووه مدري

ومن عند باب المدرسه رحت مرعوب
وهميت اسال البنت مرات وزري

ومادام ني شاعر وبالشعر موهوب
عن ما حصلي لازم اصدع بشعري

وشعري ليا غنيت ماهوب مكذوب
وحبي ليا حبيت صادق وعذري

واقول لك ماني ورى الكل مسحوب
لو الكثير من الغنادير يغري

والناس ليها اسلوب وآنا لي اسلوب
ادرى وداري لجل ما الناس تدري

ولي مكانه عند غيري ومحسوب
قدري رفيع ومعتلي دوم قدري

وعندي صبر مشتق من صبر يعقوب
لاكن معك ابصر وش انتاج صبري

مبغى الضرر لالك ولالي من صوب
اللي بعرض الناس تبتاع تشري

ماهوب انا من يزعج الناس ماهوب
آنا نضامي وانظباطي وحصري

وهاذي بداية معرفه دوبها دوب
خزن رقم او إحذف الرقم بدري

[غالب الذيابي]

:
:
:
:



صح لسانك .. فصيدة حلوة بالحيل..

تمنيت اللي قبل الاخير يصير( عصري )

لكن هيهات ماكل ما يتمنى المرء يدركه

تقبل تقديري

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[محمد الذيابـــي]

..


صح لساااانكـ مليووون...

....

التوقيع

التوقيع محمد الذيابـــي

[عايض جزاء العصيمي]

صح لسانك

فصيده جميله لاهنت


لاكن لاعاد تمر المدارس كان تبا العافيه


تحياتي لك

[شاعر الدرع العربي]

اخي غالب الاحلا مرورك اهلا وسهلا
طرحك طيب ولاكني عندي هدف لا ينطبق
على عصري وانما حصري وهو (الحتكار)
تقبل خالص تقديري وحترامي

[شاعر الدرع العربي]

مشرفنا الغالي صح بدنك
وسعدنا بمروووورك

[شاعر الدرع العربي]

صح بدنك اخي العزيز ابو جزاء
الاجمل مرووووور استاذي
وفيه احد مايحب العافيه
لاكن الشعراء ترى ماتوخذ
قصايدهم على الواقع بل الخيال
اشكرك خاااااااالصـــ الشكر

[فيصل مطر]

صـــــح لـســـانـكـ

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[شاعر الدرع العربي]

صح بدنك شاعرنا القدير فيصل مطر
تقبل جزييييل الشكرمني على مرووووورك المتواضع