مشهد بصوت و بصورة

[عبدالمجيد الثعلي]

أقدم لكم إحدى قصائدي المتواضعه وعسى أن تستحسن رضاكم جميــع

من كلامه (كلامي من لساني يضيع)=كل ماجيت أبذكر بعضه أضيعّه
وإن سكت ضاع تفكيري معه ما أستطيع=ويتشتت ولارحت أجمعه ما أجمعه
رد فعلي بطي والقلب نبضه سريع=كن عوج الضلوع تضيق ما تأسعه
وأتظاهر له أسـوي (ضميري وسيـع)=ويتضايق خفاي وينكشف فالسعه
سحر عينه يوقفني بموقف شنيع=وقلبي بسحر عينه للعنا يودعه
جيته بثقل وزن , ورحت حمل ٍ وديع !=وراح جسمي ,عظامي دوبها ترفعه
في عيال و بنات آدم و حوى جميع=ماحصل معهم اللي حاصل ٍ لي معه
مرت أربع فصول وكلبوها ربيع=واحد ٍ معه ماأشوف!الفصول أربعه
كل ما أشاهده شاهدت مشهد فضيع=ريق ينشف!(من الدهشه!)وريق أبلعه!
مشهد .بصوت وبصورة .بليّا مذيع!=يوم أشوفه .يحيرني!!ويوم أسمعه
الهوى قوّ تأثيره يذلّ الشجيع=مالها طب هذي علةٍ موجعـه
لو قلبّـه حديد وقاسي ٍ مايميع=يوقد الحب فوقه نار ٍ تميّعه

وسلامتكــم