ماهتنت برقاد

[إبراهيم الجذع]

يامل عينٍ ما هتنت برقاد=عافت منام الليل جاها هجاد
عينٍ ليا هجعت عيون الناس=كن في محاجرها دوى الرعاد
أتعب صخاف عروقها السهر=ودمعن هميله فوق خدي زاد
عينٍ مجافي موقها الكرى=ونفسٍ معيفه ماتذوق الزاد
وروابعٍ تطعن طعنها زرق=تطعن على قلبي بشلف حداد
داجن ولاجن بالضمير أفواج=أبني بلد وأرجع و هد بلاد
غديت أنا وهمي مع الأيام=وظروف وقتي والزمن بجهاد
متجودٍ في عروة الصبر=أصبر ولاكن الصبر مافاد
دنياٍ عسى الله يكفي شرها=دايم مساعيها تعب ونكاد
فأحذر تغرك عافيتك اليوم=بكره تموت ولا عنك نشاد
فلاميتٍ ألا ويبعث حي=ولاحيٍ ألا الموت له ميعاد
ولا كل برقٍ لاح ينثر ماه=ولا زرعٍ أثمر غير له حصاد
ولا كنت حبرٍ فالرجال أحبار=ولابد صياد الفهود يصاد
ولا غايب ألا حجته وياه=ولا جمعه ألا مقتفيها بعاد
حبيت أراسل بعد طول غياب=للصاحب اللي للجروح ضماد
أقبل تحياتي مع التقدير=أمعطرة بالمسك وريح زباد
وصلو عدد ما ذعذعن النود=وأعداد مايخضر ورق بأعواد
على نبينا محمد المختار=صفوة قريش اللي بنى الأمجاد

[فهد علي العازمي]

صح لسااااااااااانك ملايين

قصيدة جزلة يالجزل
لا تحرمنا جديدك
ولاتكزن الأولى والأخيرة حذراااا

[مرزوق حمدان العتيبي]

..
قصيده وافيه وجزله
صح لسانكــ ... وبيض الله وجهكــ

...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عبدالله الجـــذع]

صح لسانك يا أبراهيم

قصيده جميله على طرق رائع


استمتعت بقرائتها

ننتظر جديدك


محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[إبراهيم الجذع]

مرحبابكم وصحت ابدانكم

ونورتوا الصفحه

[إبراهيم الجذع]

صحت ابدانكم