شباب الجيل هذا ما عرف حق الخوي والضيف (( المستشار لاهنت ))

[رعد الروقي]

مساء الخير



ارحب يا مستشار

سلامي فاول المحراف ما يحـــــتاج له توصيف=ليا شافه علي رحب وهــــــلا واعتــــــدل راسه
شباب الجيل هذا ما عرف حق الخوي والضيف=سريعة حوصته ومن الهيام معبي الطاسه

[علي فلاح العضياني]

نرحب بالرجال اللي لهم بالواجبه تكليف=من الترحيب ياخذ قدره العمده و مقياسه
كثير من الشباب من البطاله ما لقوا توظيف=يا طيب اللي يكافي عزوته من شرّه و باسه

التوقيع

(( رأس الحكمه مخافة الله ))

[عبدالله الاصعر]

العمده



العضياني



صحت اللسنتكم



احترامي

التوقيع

ربعي كما الحيد الطويل النايف=ارقاء براسه وانسدح في ضله ليا بنو بنيً على مقلطهم=يبنون بنيً ماحد(ن) يفله الشاعر/عبدالمعين الثعلي رحمه الله al-aser11@hotmail.com

[رعد الروقي]

الله الله

عليك الرمي يا ساس البلا .. والقصف والتهديف=عطيت الضيف ظهرك وانقلبت بفن وسياسه
ليا ناطحت ذيب اثبت .. بما تعنيه كم وكيف=بلاش من التلوي والتلوي لا رحم ساسه

[ابو نايــف]

الله الله


شباب الجيل هذا ما عرف حق الخوي والضيف
سريعة حوصته ومن الهيام معبـي الطاسـه


كثير من الشباب من البطاله ما لقوا توظيف
يا طيب اللي يكافي عزوته من شرّه و باسه



متاااااااابعين

[رعد الروقي]

عبد الله الاصعر // ابو نايف



هلا ومسهلا



حضوركم يشرفنا



صحت قلوبكم ولا هنتوا

[علي فلاح العضياني]

لا والله غير معطيه النحر و الكفّ فيها سيف=مدامه معتدي فاربع ثواني يلفظ أنفاسه
نشف مخّك بعد جاتك علوم مغلّفه تغليف=على يد صاحبك تحتاج لك تعليم و دراسه

[أخو جوزا]

صحــــــــــــــــت اللالسن والقلوب

[رعد الروقي]

لله لله

قبل يولد علي .. خيل الكرام معسفه تعسيف=وللماجوب نطاحه وللاخطار دواسه
لكن المشكلة فاهل العقول اللي تبا تثقيف=نبا نكتب لها سلم العوارف فوق كراسه

[رعد الروقي]

حياك الله يا اخو جوزاء




شرفت ونورت




صح بدنك