حاكم الغنامي

[سهم الليل]

ياسلامي على اللى يكرمون الضيوف=محزمي فالليال اسود والمسفره
كل ماجيت ادور درب بين اصفوف=وشت ألى الحيايا واسلام اضفره

[حاكم الغنامي]

مرحبا رحبٍ احلى من حليب العطوف =عن بني عمنا العتبان مانذخره
الطريق المعبد للرجال امعروف =لا تعني رجولك كان ماتقدره

التوقيع

سبحــــان الله وبحمدهـ hakem81@live.com

[سهم الليل]

البقا يالعطاوي والليالى ضروف=من كبر في عيونه البشر تصغره
لو نبا خوضها ناقف بحد الشروف=خوفنا قدرها يظهر قليل ازفره

[حاكم الغنامي]

بين روس الرماح وبين حد السيوف =يظهر العلم واعرف بطنه امن اظهره
كان صابك من عتيبه وديرتك خوف=روح واسكن مع الاتراك وسط انقره

[سعود البرقاوي]

ياسلام على المفاهمات اللي من النوع الهادي
متابع والصف مع الحكومة


تحياتي

التوقيع

انا مثل الحكومة وأمري منفذّ على الشعار ولي سلطة على الشعار والشعار خدّامي جارالله السواط للتواصل : nofi3e@hotmail.com

[سهم الليل]

انته انظر وخايل بالسحاب القنوف=تعرفه يالعطاوي قبل هل امطره
الكلافه بعلم اطيب ونا كلوف=وابن مشيب تعرفه زين لا تحقره

[سهم الليل]

المشاركة الأصلية كتبت بواسطة سعود البرقاوي

ياسلام على المفاهمات اللي من النوع الهادي
متابع والصف مع الحكومة


تحياتي

ياهلا ومرحبا ياسعود

وجودك غايه ومتابعتك شرف

تقديري

[حاكم الغنامي]

كان فاتك طوافك فانت بكره تطوف =فسحة الدين ماتنقاس بالمسطره
لاتكلف ووضعك مثل منته تشوف =المواقف لها رجلٍ يجيك خبره

[سهم الليل]

ابشر ان انقط من عام فوق الحروف=عقب سج القدم في سرها وجهره
لا تزيد الحموله فوق صلب الكتوف=تترك الناس دارك لو يبين ادهره

[حاكم الغنامي]

كان صادق نبا نذبح عشانك خروف =والكسر نحضر الجبار ثم نجبره
مايدوم الكسوف ولا يدوم الخسوف =كل ماحل سّبح واطلب المغفره