ياسلامي على اللى يكرمون الضيوف=محزمي فالليال اسود والمسفره
كل ماجيت ادور درب بين اصفوف=وشت ألى الحيايا واسلام اضفره

مرحبا رحبٍ احلى من حليب العطوف =عن بني عمنا العتبان مانذخره
الطريق المعبد للرجال امعروف =لا تعني رجولك كان ماتقدره

البقا يالعطاوي والليالى ضروف=من كبر في عيونه البشر تصغره
لو نبا خوضها ناقف بحد الشروف=خوفنا قدرها يظهر قليل ازفره

بين روس الرماح وبين حد السيوف =يظهر العلم واعرف بطنه امن اظهره
كان صابك من عتيبه وديرتك خوف=روح واسكن مع الاتراك وسط انقره

انته انظر وخايل بالسحاب القنوف=تعرفه يالعطاوي قبل هل امطره
الكلافه بعلم اطيب ونا كلوف=وابن مشيب تعرفه زين لا تحقره

المشاركة الأصلية كتبت بواسطة سعود البرقاوي (المشاركة 1039575) ياسلام على المفاهمات اللي من النوع الهادي متابع والصف مع الحكومة تحياتي

كان فاتك طوافك فانت بكره تطوف =فسحة الدين ماتنقاس بالمسطره
لاتكلف ووضعك مثل منته تشوف =المواقف لها رجلٍ يجيك خبره

ابشر ان انقط من عام فوق الحروف=عقب سج القدم في سرها وجهره
لا تزيد الحموله فوق صلب الكتوف=تترك الناس دارك لو يبين ادهره

كان صادق نبا نذبح عشانك خروف =والكسر نحضر الجبار ثم نجبره
مايدوم الكسوف ولا يدوم الخسوف =كل ماحل سّبح واطلب المغفره