تحيتـي لشعـرا العتبـان مـن دون قيـد (قصيده عبدالرحمن بن بديع)

[رجا بن فهيد الهاجري]

قصيده جديده للشاعر عبدالرحمن بن بديع يمدح فيها شعراء قبيلة عتيبه ويمدح فعول عتيبه الهيلا وتاريخها العريق وقبيلة عتيبه يستحقون ذلك واكثر

ماجّـد يامطلـق المـواط شـي جـديـد
كسب النواميس من طبعي وانا اولـى بهـا

مافيـه عـذر يعـذر لـو نصـد ونحيـد
هذي حقوق علـى الاصحـاب لأصحابهـا

صداقتك يالعتيبـي جعـل عمـرك مديـد
تـجـارةِ ماعرفـهـا غـيـر كسابـهـا

انا قطعت الفرج . مانـي بساعـي بريـد
ولو ان كفي رسالـه جيتـك اسعـى بهـا

قل لاعليك أمر لصحـاب الرمـي والهبيـد
اللي سبايـب زعلهـا .مصـدر اعجابهـا

الناس في يوم عيـد وعايشـه جـو عيـد
وصدورهـا ضايقـه والحـزن ينتابـهـا

حتى تعصـت بعيـدان العشـر والجريـد
وتقـول هــذي هناديـنـا ومضرابـهـا

نـاس مانـي يمـهـا تــذم ولا تشـيـد
تذمنـي تنتقدنـي ماحـسـب احسابـهـا

لولا زهير ابن ابـي سلمـى ولـولا لبيـد
ولـولا معـزة بنـي أمـيـه وشيابـهـا

اني لجـاري بيـوت معاويـه بـن يزيـد
واحـط لـي قصـةِ للنـاس يحكـى بهـا

اصحابنـا اللـي تعذربنـا لجـل تستفيـد
وش عـاد حتـي مدايحهـا وعذرابـهـا

تحرف اللـي تريـد وتكتـب اللـي تريـد
ولا تدري ان اهل مكـه تعـرف اشعابهـا

اهل الغنم والذيابـه فـي صـراع شديـد
وكـره البشـر للذيابـه ويـش سوابـهـا

كلامهـا مايـصـدق والـكـلام الأكـيـد
النـاس تعـشـق طبايعـهـا وتشقابـهـا

هل مصر في ضاحية شبرا وفأرض الصعيد
من حبهـا مصـر يمكـن تعبـد اترابهـا

وكـلام فـاروق للسلطـان عبدالحمـيـد
قّـوم شعوبـه عليـه وثـوّر اعصابـهـا

وجاها محمد نجيب وجـا جمـال وفريـد
وتدخلـوا فـي سياستهـا وفـي احزابهـا

مع اني ايقنـت يامطلـق مانـي بالوحيـد
بس الخطيـات لاقبلهـا ولا ارضـى بهـا

ولا ابني المعرفـه علـى ضغينـه وكيـد
والنـاس لانـي بجاملـهـا ولا اغتابـهـا

في البنك مالي رصيد الا ان عندي رصيـد
معرفة اللـي تجمـل مـن تعـزوى بهـا

اقصد زحول الرجال اللـي نظرهـا بعيـد
اللـي لياصحـت فيهـا تفتـل اشنابـهـا

شـرواك ياللـي بوقفاتـك تزيـد وتزيـد
لاحمـي سـوق المراجـل وانفتـح بابهـا

اسلم وقل لبـن عـون وللزلامـي رشيـد
هل كلمةٍ صاحـب العـرف يتقـدى بهـا

صارت فرايض حقوق وربط قـاف جويـد
يدلـه بهـا خاطـر السـاري ويسلابهـا

كـم شاعـر ِلابغـى دانـات درِ فـريـد
واهـس حداهـم تعـدا فكـره وجابـهـا

بيت لبن نايف وبيـت لرشيـد ابـن زيـد
تثـري تـراث العـرب وتعـزز آدابهـا

اعـلا قيـاده وسلطـه لـلأدب والقصيـد
اساتـذة ساحـة أهـل الشعـر واقطابهـا

تحيتـي لشعـرا العتبـان مـن دون قيـد
وكـل شعـرا الكلمـه الجزلـه وكتابـهـا

تفداهـم اهـل الركاكـه والكـلام الزهيـد
اللـي مـن الله كرهـت الشعـر بسبابهـا

نـاس سواليفهـا تدبـل كـبـود العبـيـد
تصـدح تصاريحهـا وتكـبـر القابـهـا

وانـا مدحتـك ومدحـي يالعتيبـي سديـد
مدايح ِ تطلـق السانـي وانـا ادرى بهـا

ربعك عتيبـه هـل الطـالات والله شهيـد
تشهـد لهـا شجـرة الانسـاب بنسابـهـا

سلم علـى روس برقـا ممنيـن الضهيـد
اللـي علـى العايليـن اتسنـن احرابهـا

واثنه علـى الآد روق منزحيـن الضديـد
قبيلـةِ فـي زمـان الجِهـل يدعـى بهـا

عتيبـه اللـي لياحـان اللقـى والوعـيـد
تعطي المطارق جنوب الجيـش وارقابهـا

امهمليـن الرعيـه رغـم خشـم العنـيـد
تـامـن بهيباتـهـا ويـخـاب طلابـهـا

عتيبه اسمـى الأسامـي والمقـام المجيـد
قبيـلـةِ صـخـرت لامـجـاد لكتابـهـا

ومتعبيـن المهـار امسودسـات الحـديـد
لاطال صوت الهنـوف وطشـت اسلابهـا

اهل البيوت الكنـان مـن اللهب والجليـد
اللـي تزبـن وتـذري مـن تـذرى بهـا

هذي هي عتيبه الهيـلا ولاحـد لـه ايـد
فـي صنـع تاريخهـا ولاحــدِ نابـهـا

حتى اعتلت ذروة المجـد الرفيـع التليـد
والنـاس تشهـد وتشهـد الارض بقطابهـا

[ابن صنهوت]

الله اكبر يابن بديع كفو كفو والله صح لسانك وبيض الله وجهك ولاهنت يابو زيد على ايرادها

[سلطان طلحة]

صح لسان

عبدالرحمن بن بديع

ايوزيد

شكرا لك

ع نقلك المميز

لاهنت

[ابو فايح]

صح لسان ابن بديع ولا عليه ولاعلى شهران زود


قصيده رائعه جدا


سلمت يا ابو زيد على النقل

التوقيع

عالم تويتر abofayeh@

[ألعتيبي فالح]

ماعلى ابن بديع زود هو وربعه شهران وصح لسانه

لاهنت يا بو زيد

[محمد بن غازي]

صح لسان ابن بديع ... وسلمت على النقل يابو زيد

[علي الدعجاني]

صح لسان ابن بديع

ولاعلاه ولا على ربعه زود


لاهنت

[مشاري الحبردي]

صح لسانه وعتلا شانه

وسلمت ولا ندمت