يا هاجسي مليت قولك هات والا ودها= اللي تمنيني بها لساع والله عادها
قد الشوارد تنتظم بالبيت بالله قدها=سلسل معانيها بقيفان القصيدة قادها
نبي كلامٍ يشبه إلنقد الفلوس وعدها=اقعد إلشردها و صبحها على ميرادها
وهد إرتجافات الخفوق اللي تبذك هدها=وان كان ملت وشردت عنك القريحة نادها
بذكر من نسجد إلوجهه ونتعبد بدها=نفسٍ تريد ارضاه بشرها بقرب إسعادها
في نجد ما ندري بجزرات البحور ومدها=راسين فيها مثلما ترسي طوال اوتادها
ريحة صباها ما يقارن بالبخور وندها=ياما حلا بيض العبال وزين شُم اطوادها
كم غادةٍ تسبي محاسنها تميس بقدها=ريانةٍ فتانةٍ كحلا ونجد بلادها
في خرمس الغدرا الى منه تبدا خدها=قالوا هو انصف هالشهر والا اختلف عدادها
ولو في ظلام الليل واقت واشرت في يدها=قالوا حقوقٍ بارقه تسمعوا رعادها
عزاه يا نفسٍ من اللوعةتكشف سدها=وجرحٍ بكبدي قد تشاوى اليوم اشوفه عادها
ماعاد اطيق الصبر نفسي منه وصلت حدها=وفرسان ياسي من رجا المجمول وصلت مادها
اكتب عريضة واختصر فيما تقول وعدها=اراجع المضمون من بعد إستتم إعدادها
واختم عليها في ظروف وكل نسخة مدها=للي يشدون الذلول ويسرجون اجيادها
إلسادة الأشعار وارباب المقالة ودها=لشيوخها وعيالها وورودها وافرادها
النجدة النجدة بسيف الهجر كبدي قدها=ما فيه معذارٍ لحد إلكل فرد إسنادها
هان والا ودها
العرض العادي
